Tibuok-Kalibotang Hedkuwarter ug Pangunang mga Buhatan sa Mga Saksi ni Jehova—Diha sa mga Letrato
TIBUOK-KALIBOTANG HEDKUWARTER SA MGA SAKSI NI JEHOVA
[Hulagway sa panid 352, 353]
Ang tibuok-yutang kalihokan sa mga Saksi ni Jehova gidumala gikan sa Brooklyn, New York, T.B.A., sukad niadtong 1909. Anaa niining maong mga tinukod ang mga buhatan sa hedkuwarter sukad niadtong 1980
[Hulagway sa panid 352]
Ang Watchtower Educational Center, sa Patterson, New York (ginatrabaho pa niadtong 1992)
[Mga hulagway sa panid 353]
Ang pipila sa puy-anang mga tinukod alang sa linibo nga nag-alagad sa hedkuwarter sa tibuok kalibotan
[Mga hulagway sa panid 354]
Kanhing mga hotel sa Brooklyn nga gipang-ayo aron makataganag lawak alang sa 1,476 ka dugang boluntaryo nga mga mamumuo
[Mga hulagway sa panid 354]
Puy-anan sa pamilyang Bethel sa Wallkill, New York
[Mga hulagway sa panid 354, 355]
Dinhi niining maong mga tinukod sa pabrika (sa Brooklyn, New York), nga ang mga Bibliya, mga libro, ug mga brosyur sa 180 ka pinulongan gigama aron iapod-apod sa tibuok-yuta
[Mga hulagway sa panid 356]
Minilyong audiocassette sa Biblikanhong materyal ang gigama dinhi niining pabrikaha sa Brooklyn kada tuig. Gikan dinhi, ang pagpadala gihikay usab. Kapin sa 15,000 ka toneladang literatura sa Bibliya ug ubang materyal kada tuig ang gipadala ngadto sa tanang bahin sa kalibotan
[Mga hulagway sa panid 356]
Dinhi niining pabrikaha sa Watchtower Farms, duol sa Wallkill, New York, ginatos ka milyong kopya sa “Ang Bantayanang Torre” ug “Pagmata!,” diha sa 14 ka pinulongan, ang giimprinta kada tuig
Ang mga Saksi ni Jehova ug ang legal nga mga korporasyon nga ilang gigamit may mga buhatan ug imprintahanan sa daghang bahin sa kalibotan. Ang mga letrato sa mosunod nga mga panid nagpakita sa daghan, bisan dili tanan, niining mga pasilidara. Diin ginatrabaho pa ang bag-ong mga tinukod niadtong 1992, ang arkitektural nga mga dibuho gipakita. Ang mga estadistika nga gihatag mapadapat alang sa 1992.
AMERIKA DEL NORTE UG ANG WEST INDIES
ALASKA
[Hulagway sa panid 357]
Ang mga bisita sa sangang buhatan sa Sosyedad mainitong giabiabi. Dinhi sa Alaska, ingon sa ubang dapit, ang mga Saksi ni Jehova nagasangyaw gikan sa balay ngadto sa balay, bisan pag ang temperatura usahay muos-os ngadto sa -50° C.
[Hulagway sa panid 357]
Ayroplano nga gigamit sa pagdala sa mga magmamantala sa Gingharian ngadto sa hilit nga mga dapit sa teritoryo
BAHAMAS
[Hulagway sa panid 357]
Ang mga publikasyon sa Watch Tower nakaabot sa Bahamas niadtong 1901. Ang regular nga pagsangyaw unang gihimo dinhi niadtong 1926. Sukad niadto kapin sa 4,600,000 ka buok literatura sa Bibliya ang naapod-apod na sa mga isla nga karon gidumala gikan niining maong buhatan.
BARBADOS
[Mga hulagway sa panid 358]
Kapin sa 140 ka relihiyosong mga pundok sa Barbados ang nag-angkong Kristohanon. Sukad niadtong 1905, ang mga Saksi ni Jehova nagatabang sa mga tawo dinhi sa pagtan-aw sa ilang kaugalingon kon unsay ginaingon sa Bibliya.
BELIZE
[Mga hulagway sa panid 358]
Mga katunga sa populasyon sa Belize nagpuyo sa kabanikanhang mga dapit. Aron maabot ang pila ka balangay sa ilaya, ang mga Saksi ni Jehova naghimog tinuig nga mga panaw nga nagbaktas dala ang mga backpack ug mga briefcase.
COSTA RICA
[Hulagway sa panid 358]
Ang Sosyedad unang nagtukod ug sangang buhatan sa Costa Rica niadtong 1944. Sukad sa katuigang 1950, ang mga taga-Costa Rica nga nagpakig-ambit sa matuod nga pagsimba mikabat sa linibo.
DOMINICAN REPUBLIC
[Mga hulagway sa panid 359]
Ang literatura sa Watch Tower giapod-apod dinhi ingon ka sayo sa 1932. Apan ang personal nga pagtudlo sa interesadong mga tawo gisugdan niadtong 1945, sa dihang ang mga misyonaryo nga makita sa wala nangabot. Sa ulahing katuigan, sa dihang tinagpulo ka libong tawo ang naikag nga motuon sa Bibliya uban sa mga Saksi ni Jehova, kining mga pasilidad sa sanga nahimong kinahanglanon.
EL SALVADOR
[Mga hulagway sa panid 359]
Nasangyawan kinig makadiyot niadtong 1916. Hinuon, niadtong 1945 lamang nga dihay usa ka tawo sa El Salvador nga andam nga magpabawtismo sa tubig (gipakita dinhi). Sukad niadto, linibo pa ang nahimong mga alagad ni Jehova.
GUADELOUPE
[Mga hulagway sa panid 359]
Ang proporsiyon sa magmamantala ngadto sa populasyon sa teritoryong gialagaran niining sangang buhatan maoy usa sa labing maayo sa kalibotan. Daghang tawo sa Guadeloupe ang mapabilhong midawat sa maayong balita.
CANADA
[Hulagway sa panid 360, 361]
Ang buhatan sa Sosyedad sa Canada nagadumala sa pagwali sa maayong balita sa ikaduhang kinadak-ang nasod sa kalibotan. Kapin sa 100,000 ka magmamantala sa Gingharian ang puliki niining yutaa.
Administratibong tinukod (nagsapaw sa letrato sa presenteng mga tinukod sa sanga)
[Hulagway sa panid 360]
Amihanan-kasadpan nga mga Teritoryo
[Hulagway sa panid 360]
Mga kampo sa logging sa British Columbia
[Hulagway sa panid 360]
Mga ranso sa baka sa Alberta
[Hulagway sa panid 361]
French Quebec
[Hulagway sa panid 361]
Maritime Provinces
GUATEMALA
[Mga hulagway sa panid 360]
Bisan tuod Kinatsila ang opisyal nga pinulongan sa Guatemala, lainlaing komplikadong pinulongan sa Indian ang ginasulti dinhi. Ang buhatan sa Sosyedad naningkamot aron matino nga ang tanan may kahigayonan nga makadungog mahitungod sa Gingharian sa Diyos.
HAITI
[Mga hulagway sa panid 361]
Ang pag-alagad kang Jehova nagdalag dakong kalipay sa mga Saksi ni Jehova sa Haiti, bisan pa sa masubsob lisod nga mga kahimtang nga nag-alirong kanila.
HONDURAS
[Mga hulagway sa panid 362]
Sukad niadtong 1916, kapin sa 23,000,000 ka oras ang gigugol sa pagtudlo sa Bibliya ngadto sa mga molupyo niining yutaa. Usahay, kinahanglan usab nga tudloan sa mga Saksi ni Jehova ang mga tawo sa pagbasa ug sa pagsulat (ingon sa makita dinhi) aron sila makatuon sa Pulong sa Diyos sa ilang kaugalingon.
JAMAICA
[Mga hulagway sa panid 362]
Ginatos sa Jamaica ang nahimong debotadong mga alagad ni Jehova panahon sa pagpanigom sa umaabot nga mga manununod sa langitnong Gingharian. Sukad niadtong 1935, linibo pa ang nakig-uban sa pagwali sa mensahe sa Gingharian. Kini nga sangang buhatan gitukod aron makatabang sa pag-atiman sa ilang espirituwal nga mga panginahanglan.
LEEWARD ISLANDS (ANTIGUA)
[Hulagway sa panid 362]
Ingon ka sayo sa 1914, ang maayong balita ginasangyaw na diha sa mga isla nga karon giatiman niining maong buhatan. Sa balikbalik sukad niadto, ang mga tawo niining bahina sa yuta gidapit sa “pagdawat sa tubig sa kinabuhi nga walay bayad.”—Pin. 22:17.
MEXICO
[Hulagway sa panid 363]
Bag-ong sentro alang sa edukasyon sa Bibliya nga gitukod sa mga Saksi ni Jehova sa Mexico
[Hulagway sa panid 363]
Mga pasilidad sa buhatan nga ginagamit niadtong 1992
[Mga hulagway sa panid 363]
Ang literatura sa Bibliya nga gipatik dinhi nagtagana sa kapin sa 410,000 ka masibotong mga Saksi sa Mexico ug ubang haduol nga nagasultig-Kinatsilang kayutaan
[Hulagway sa panid 363]
Sukad sa 1986 hangtod sa 1992, kapin sa 10 porsiento sa mga pagtuon sa Bibliya sa balay nga gidumala sa mga Saksi sa tibuok kalibotan anaa sa Mexico, daghan niini uban sa mga grupo sa pamilya
[Graph sa panid 363]
(Alang sa aktuwal nga pagkahan-ay, tan-awa ang publikasyon)
Pagtuon sa Bibliya sa Mexico
500,000
250,000
1950 1960 1970 1980 1992
MARTINIQUE
[Mga hulagway sa panid 364]
Ang mga binhi sa kamatuoran gipugas dinhi ingon ka sayo sa 1946. Apan sa dihang si Xavier ug Sara Noll (gipakita dinhi) miabot gikan sa Pransiya niadtong 1954, sila nakahimo sa pagpabilin ug sa pagpalambo sa interes nga nakaplagan. Sa pagka 1992, kapin sa 3,200 ka tawo ang nakig-ambit uban kanila sa pagmantala sa mensahe sa Gingharian.
NETHERLANDS ANTILLES (CURAÇAO)
[Mga hulagway sa panid 364]
Kaluhaag-tulo ka misyonaryo ang nakaalagad sa teritoryo niining maong sangang buhatan. Duha sa orihinal nga grupo (gipakita dinhi) kinsa miabot niadtong 1946 ang sa gihapon nagatrabaho pa niadtong 1992.
NICARAGUA
[Mga hulagway sa panid 364]
Sukad niadtong 1945, sa dihang nangabot ang mga misyonaryo, ang mga Saksi ni Jehova sa Nicaragua misugod sa pagdaghan. Sa pagka 1992 sila mikabat na sa kapin sa 9,700. Karon ang mga tawo nga gustong magpatudlo sa Bibliya sa mga Saksi mas daghan pa kay sa lokal nga mga Saksi.
PANAMA
[Mga hulagway sa panid 365]
Sukad sa kataposan sa ika-19ng siglo, ang mga tawo sa Panama nagadawat ug tabang sa pagkat-on sa mga kinahanglanon sa Diyos alang sa walay-kataposang kinabuhi.
PUERTO RICO
[Mga hulagway sa panid 365]
Sukad niadtong 1930, kapin sa 83,000,000 ka buok literatura sa Bibliya ang naapod-apod sa Puerto Rico, ug 25,000,000 ka pagbalik duaw ang nahimo aron ihatag ang dugang tabang sa interesadong mga tawo. Ang buluhatong paghubad nga gihimo dinhi nakatabang sa paggamag literatura sa Bibliya nga mabatonan sa mga 350,000,000 sa tibuok kalibotan nga nagasultig-Kinatsila.
TRINIDAD
[Mga hulagway sa panid 365]
Ang maayong balita madasigon nang gimantala sa Trinidad ingon ka sayo sa 1912. Daghang Saksi, apil niining tulo nga gibansay sa Tunghaan sa Gilead, ang migugol sa ilang bug-os panahon niining buluhatona.
AMERIKA DEL SUR ARGENTINA
ARGENTINA
[Mga hulagway sa panid 366]
Usa ka magmamantala sa Gingharian ang unang gipadala niining nasora niadtong 1924. Ang dakong tabang gihatag sa ulahi sa nabansay sa Gilead nga mga misyonaryo, nga nag-apil kang Charles Eisenhower (gipakita dinhi), kinsa miabot uban sa iyang asawa niadtong 1948. Sa pagka 1992, ginatagana ang katibuk-ang pagdumala, ingon man ang literatura sa Bibliya gikan niining mga pasilidara alang sa kapin sa 96,000 ka Saksi ni Jehova sa Argentina. Ang literatura gipadala usab gikan dinhi aron sa pagtagana sa kapin sa 44,000 ka Saksi sa Chile.
BOLIVIA
[Mga hulagway sa panid 367]
Ang mga taga-Bolivia nakadungog sa mensahe sa Gingharian sukad niadtong 1924. Linibo ang nakadawat sa literatura sa Bibliya nga mapasalamaton ug nakapahimulos sa regular nga mga pagtuon sa Bibliya sa balay.
CHILE
[Mga hulagway sa panid 367]
Sa pagka 1919, ang literatura sa Watch Tower nakaabot sa Chile. Ang pagsangyaw nga gidumala niining buhatan nakaabot na karon gikan sa gihuypan sa hangin nga mga ranso sa karnero sa habagatan ngadto sa hilit nga mga kampo sa minahan sa amihanan, gikan sa Kabukirang Andes hangtod sa baybayon.
ECUADOR
[Mga hulagway sa panid 367]
Nakatabang ug dako sa pagwali sa maayong balita sa Ecuador ang gihimo sa kapin sa 870 ka Saksi (sama sa duha nga gipakita dinhi) nga mibiya sa ilang yutang-natawhan aron mag-alagad diin mas dako ang panginahanglan. Kining sangaha karon nagatabang sa kapin sa 22,000 ka madasigong mga magdadayeg ni Jehova.
BRAZIL
[Mga hulagway sa panid 368, 369]
Niadtong 1992, sa dihang ang sangang buhatan, imprintahanan, ug Balayng Bethel sa Sosyedad gipadak-an kutob niining gidak-ona, ang mga Saksi ni Jehova sa Brazil mikabat ug kapin sa 335,000 ug nagabawtismo sa kapin sa 27,000 ka tinun-an kada tuig. Ang imprintahanan dinhi nagatagana usab ug literatura aron iapod-apod sa Bolivia, Paraguay, ug Uruguay.
[Mga hulagway sa panid 369]
Duha ka dagkong estadyum ang gigamit alang sa internasyonal nga kombensiyon sa mga Saksi ni Jehova sa São Paulo niadtong 1990; kapin sa 100 ka dugang mga kombensiyon ang gieskedyul usab
[Graph sa panid 369]
(Alang sa aktuwal nga pagkahan-ay, tan-awa ang publikasyon)
Mga Magmamantala sa Brazil
300,000
200,000
100,000
1950 1960 1970 1980 1992
GUYANA
[Mga hulagway sa panid 368]
Ang Sosyedad may sangang buhatan na sa Guyana niadtong 1914. Ang mga Saksi nakaabot sa ilaya ug naningkamot sa paghatag sa tanan ug kahigayonan nga makadungog sa maayong balita. Bisan tuod ang populasyon sa nasod karon wala pay usa ka milyon, ang mga Saksi nakagugol ug kapin sa 10,000,000 ka oras sa pagwali ug pagtudlo niining yutaa.
PARAGUAY
[Mga hulagway sa panid 369]
Ang pagwali sa maayong balita gihimo na sa Paraguay sa pagkatungatunga sa katuigang 1920. Sukad niadtong 1946, 112 ka nabansay sa Gilead nga mga misyonaryo ang nakatabang sa pagsangyaw. Aron maabot ang mga grupo sa pinulongan gawas sa lokal nga Kinatsila ug Guarani, ang ubang Saksi miboluntaryo usab nga mamalhin gikan sa lainlaing kayutaan.
Gikan sa Alemanya
Gikan sa Korea
Gikan sa Hapon
COLOMBIA
[Mapa/Mga hulagway sa panid 370, 371]
Ingon ka sayo sa 1915, usa ka publikasyon sa Watch Tower ang gipadala ngadto sa usa ka interesadong tawo sa Colombia. Sa pagka 1992, ang literatura sa Bibliya nga giimprinta niining mga pasilidara gipadala aron sa pag-atiman sa mga panginahanglan sa kapin sa 184,000 ka ebanghelista sa Colombia, Ecuador, Panama, Peru, ug Venezuela.
[Mapa]
(Alang sa aktuwal nga pagkahan-ay, tan-awa ang publikasyon)
COLOMBIA
PERU
ECUADOR
PANAMA
VENEZUELA
PERU
[Hulagway sa panid 370]
Ang literatura sa Bibliya naapod-apod na sa Peru sa nagaduaw nga mga Estudyante sa Bibliya ingon ka sayo sa 1924. Ang unang kongregasyon giporma dinhi 21 ka tuig sa ulahi. Karon may kapin na sa 43,000 ka aktibong magmamantala sa Gingharian sa Diyos sa Peru.
[Hulagway sa panid 370]
Mga payunir nagasangyaw sa Andes
SURINAME
Sa mga tuig 1903 ang unang grupo sa pagtuon giporma dinhi. Karon kining mga pasilidad sa sanga gikinahanglan sa pagdumala sa mga kongregasyon sa tibuok nasod—sa kabanikanhang mga dapit, sa mga probinsiya, ug sa siyudad.
URUGUAY
[Mga hulagway sa panid 372]
Sukad niadtong 1945, kapin sa 80 ka misyonaryo ang nakatabang sa pagmantala sa Gingharian sa Uruguay. Ang gipakita dinhi nakaalagad sa Uruguay sukad sa katuigang 1950. Sa pagka 1992, kapin sa 8,600 ka lokal nga mga Saksi ang nagaalagad uban kanila.
VENEZUELA
[Hulagway sa panid 372]
Ang pila ka literatura sa Watch Tower giapod-apod sa Venezuela sa tungatunga sa katuigang 1920. Usa ka dekada sa ulahi usa ka inahan-ug-anak-babaye nga tem sa payunir gikan sa Tinipong Bansa ang nagsugod sa masibotong yugto sa pagwali dinhi, nga sa balikbalik nagkobre sa kabisera ug nagduaw sa mga lungsod sa tibuok nasod. Karon adunay kapin sa 60,000 ka aktibong mga Saksi sa Venezuela.
[Hulagway sa panid 372]
Biyohanan sa mga toro sa Valencia nga may panon sa 74,600 alang sa espesyal nga asembliya niadtong 1988
UROPA UG ANG MEDITERANYO
AUSTRIA
[Hulagway sa panid 373]
Ingon ka sayo sa katuigang 1890, ang pila ka tawo sa Austria gihatagan ug kahigayonan nga makapahimulos gikan sa maayong balita. Sukad sa katuigang 1920, dihay kasarangan apan kanunay nga pag-uswag sa gidaghanon sa mga magdadayeg ni Jehova niining yutaa.
[Hulagway sa panid 373]
Kapin sa 270 ka kongregasyon ang nagtigom sa mga Kingdom Hall sa tibuok Austria
BELGIUM
[Mga hulagway sa panid 373]
Ang Belgium nahimong usa sa mga tagboanan sa lainlaing kultura sa kalibotan. Aron sa pag-atiman sa nagkalainlaing populasyon nga makaplagan dinhi, kining maong sanga nagaapod-apod ug literatura sa Bibliya sa kapin sa 100 ka pinulongan.
BRITANYA
[Mga hulagway sa panid 374]
Ang kalihokan sa kapin sa 125,000 ka Saksi ni Jehova sa Britanya gidumala gikan niining maong sangang buhatan. Ang mga Saksi gikan sa Britanya midawat usab ug mga asaynment aron ipakaylap ang mensahe sa Gingharian sa ubang Uropanhong mga nasod ingon man sa Aprika, Amerika del Sur, Australia, Oriente, ug sa kaislahan sa dagat.
IBSA House
Watch Tower House
[Mga hulagway sa panid 374]
Ang literatura sa Bibliya giimprinta dinhi sa Ingles, Maltese, Gujarati, ug Swahili
[Hulagway sa panid 374]
Ang Departamento sa Pag-alagad nagaatiman sa kapin sa 1,300 ka kongregasyon sa Britanya
[Mga hulagway sa panid 374]
Ang mga tagana sa literatura gipadala ngadto sa tanang bahin sa Inglaterra, Scotland, Wales, Irlandia, ug Malta, ingon man sa mga dapit sa Aprika ug Caribbeano
PRANSIYA
[Mga hulagway sa panid 375]
Ang paghubad ug photocomposition sa tanang publikasyon sa Watch Tower nga giimprinta sa tibuok kalibotan alang sa nagasultig-Pranses nga mga tawo ginahimo sa sanga sa Pransiya. (Kapin sa 120,000,000 ka tawo ang nagasultig Pranses.) Ang literatura regular nga giimprinta dinhi sa lainlaing pinulongan ug gipadala ngadto sa kayutaan sa Uropa, Aprika, Tungang Sidlakan, Dagat Indian, ug Dagat Pasipiko.
Imprintahanan/buhatan sa Louviers
Paghubad
Photocomposition
[Hulagway sa panid 375]
Buhatan/puy-anan sa Boulogne-Billancourt
[Hulagway sa panid 375]
Puy-anan sa Incarville alang sa pamilyang Bethel
ALEMANYA
[Mga hulagway sa panid 376, 377]
Bisan pa sa way-kukaluoy nga panglimbasog nga paphaon sila sa Alemanya sa panahon sa Nazi, ang mga Saksi ni Jehova wala mobiya sa ilang pagtuo. Sukad niadtong 1946, sila nakagugol ug kapin sa 646,000,000 ka oras sa pagpakaylap sa kamatuoran sa Bibliya sa tibuok nasod.
Ang gipadak-ang mga pasilidad sa Selters/Taunus
[Hulagway sa panid 376]
Dugang pa sa paghubad sa literatura sa Bibliya ngadto sa Aleman, kining sangaha sa Selters/Taunus nagaimprinta sa kapin sa 40 ka pinulongan
[Hulagway sa panid 377]
Daghang literatura nga gigama dinhi ang regular nga gipadala ngadto sa kapin sa 20 ka kayutaan; ang mga magasin giimprinta sa daghang pinulongan ug gipadala ngadto sa kapin sa 30 ka nasod
[Hulagway sa panid 377]
Ang kaugalingong mga trak sa Sosyedad gigamit sa pagpadala sa literatura sa tibuok Alemanya
CIPRO
[Hulagway sa panid 376]
Wala madugay human sa kamatayon ni Jesu-Kristo, ang maayong balita gisangyaw ngadto sa katawhan sa Cipro. (Buh. 4:32-37; 11:19; 13:1-12) Sa modernong mga panahon, kanang maong pagwali gibuhat pag-usab, ug usa ka mabug-osong pagpamatuod ang padayong ginahatag ubos sa pagdumala niining maong sangang buhatan.
DENMARK
[Mga hulagway sa panid 377]
Sukad niadtong katuigang 1890, diha nay makaylapong pagwali sa Denmark. Ang pag-imprinta ug literatura sa Bibliya ginahimo dinhi dili lamang sa Danes apan usab sa Faeroese, Greenlandiko, ug Islandiko.
Ang sangang buhatan nga makita gikan sa ibabaw (ang pultahan gipakita sa gisal-ot)
ITALYA
[Mga hulagway sa panid 378, 379]
Ang Italyanong literatura sa Bibliya gihubad ug giimprinta dinhi. Kining sangaha nagaimprinta ug nagahapin ug mga libro aron magamit ilabina sa Italya ug sa ubang duol nga nasod.
[Hulagway sa panid 379]
Lainlaing hulagway sa mga pasilidad sa sanga duol sa Roma
[Hulagway sa panid 379]
Ang tinagpulo ka libo, sa pagkakita sa tinuod nga ginaingon sa Bibliya, nagsugod sa pagpakigtigom uban sa mga Saksi ni Jehova
[Hulagway sa panid 379]
Bisan pa sa padayong pagsupak gikan sa Romano Katolikong Iglesya, ang mga Saksi ni Jehova sa Italya nakagugol ug kapin sa 550,000,000 ka oras sukad niadtong 1946 sa personal nga pagduaw sa ilang mga silingan aron hisgotan ang Bibliya uban kanila. Ingong sangpotanan, 194,000 ka tawo sa Italya ang karon aktibong mga magsisimba ni Jehova
PINLANDIA
[Hulagway sa panid 378]
Ang kamatuoran sa Bibliya nakaabot sa Pinlandia gikan sa Sweden niadtong 1906. Sukad niadto, kana giwali ngadto sa tanang dapit sa nasod, bisan ngadto sa ibabaw sa Arctic Circle. Tinagkawhaan gikan dinhi ang nabansay sa Tunghaan sa Gilead alang sa pag-alagad sa bisan diin nga sila gikinahanglan diha sa tibuok-kalibotang natad. Ang uban namalhin sa ilang kaugalingon aron moalagad sa kayutaan diin mas dako ang panginahanglan.
ICELAND
[Hulagway sa panid 379]
Sa Iceland, nga mga 260,000 lamang ang populasyon, kapin sa 1,620,000 ka buok literatura sa Bibliya ang naapod-apod aron matabangan ang mga tawo sa pagpilig kinabuhi. Karon kapin na sa 260 ka tawo dinhi ang nagaalagad kang Jehova, ang matuod nga Diyos.
[Hulagway sa panid 379]
Si Georg Lindal, kinsa nagpayunir dinhi gikan sa 1929 hangtod sa 1953; sa kadaghanan nianang panahona, siya lamang ang Saksi sa nasod
GRESYA
[Mga hulagway sa panid 380]
Si apostol Pablo maoy usa sa unang nakasangyaw sa maayong balita sa Gresya. (Buh. 16:9-14; 17:15; 18:1; 20:2) Bisan pag hilabihang gilutos sa Ortodoksong Iglesya ang mga Saksi ni Jehova sulod sa daghang tuig, karon dihay kapin na sa 24,000 ka matinumanong mga alagad ni Jehova niining yutaa. Ang sangang buhatan nga gipakita dinhi maoy mga 64 kilometros sa amihanan sa Atenas.
[Hulagway sa panid 380]
Pagsangyaw sa Atenas
[Hulagway sa panid 380]
Letrato nga gikuha niadtong 1990 panahon sa demonstrasyon nga gipangunahan sa klero batok sa mga Saksi
IRLANDIA
[Hulagway sa panid 380]
Hinay ang pagsanong sa mensahe sa Bibliya sulod sa daghang tuig sa Irlandia. Hilabihang pagsupak sa klero ang nasugamakan. Apan human sa 100 ka tuig sa mapadayonong pagsangyaw, karon dagaya na ang pagpangani sa espirituwal.
Sangang buhatan sa Dublin
[Hulagway sa panid 380]
Duha ka dugay nang payunir nga nag-alagad sa kanataran
POLANDIA
[Hulagway sa panid 381]
Kining mga pasilidara gigamit aron motaganag tabang ngadto sa kapin sa 100,000 ka Saksi sa Polandia. Gikan sa 1939 hangtod sa 1945, ang ilang pagsimba gidili, apan miuswag ang ilang gidaghanon gikan sa 1,039 niadtong 1939 ngadto sa 6,994 niadtong 1946. Sa dihang gidili sa makausa pa niadtong 1950, ang ilang gidaghanon maoy 18,116; apan wala madugay human kuhaa ang maong pagdili niadtong 1989, ang mga taho nagpakita nga dihay kapin sa 91,000.
[Mga hulagway sa panid 381]
Sulod sa mga tuig mihimo silag ginagmayng asembliya didto sa mga kakahoyan; karon ang ilang mga kombensiyon nagpuno sa kinadak-ang mga estadyum sa nasod—ug kapin sa usa ka estadyum sa matag higayon
Poznan (1985)
LUXEMBOURG
[Hulagway sa panid 382]
Ang Luxembourg maoy usa sa kinagamyang mga nasod sa Uropa. Apan sulod sa mga 70 ka tuig, ang mensahe sa Gingharian gisangyaw usab dinhi. Ilabina sa wala pa ang Gubat sa Kalibotan II, ang tabang gihatag sa mga Saksi nga gikan sa Pransiya, Alemanya, ug Switzerland.
NETHERLANDS
[Hulagway sa panid 382]
Gikan nining sangaha sa Emmen, ang pagdumala gihatag alang sa kalihokan sa kapin sa 32,000 ka masibotong mga Saksi sa Netherlands. Ang paghubad sa tanang publikasyon ngadto sa Olandes gihimo niining mga pasilidara. Ang kadaghanang pagkopya sa pinasikad sa Bibliya nga mga videocassette alang sa Uropanhong mga pinulongan gidumala usab gikan dinhi.
NORWAY
[Mga hulagway sa panid 383]
Usa ka gatos ka tuig kanhi, usa ka Norwegong mibalhin ngadto sa Amerika ug nakakat-on sa mga kamatuoran sa Bibliya didto nagdala sa maayong balita balik sa iyang lungsod. Sukad niadto, ang mga Saksi ni Jehova nakaduaw na sa matag bahin sa Norway sa makadaghan aron sa pagsulti sa katawhan mahitungod sa Gingharian sa Diyos.
PORTUGAL
[Hulagway sa panid 383]
Sa mga dekada human aprobahi sa kagamhanan ang usa ka kasabotan uban sa Batikano, ang kapolisan midakop sa mga Saksi ug nagpalagpot sa ilang mga misyonaryo. Apan ang nahibiling mga Saksi nagpadayon sa pagtigom alang sa pagsimba, sa pagsangyaw ngadto sa uban, ug sa pagdaghan. Sa kataposan, niadtong 1974 sila gihatagan ug legal nga pag-ila.
Kini nga buhatan nagadumala sa kalihokan sa kapin sa 40,000 ka Saksi sa Portugal. Kini usab nakatabang ug dako sa kayutaan sa Aprika nga may lig-ong relasyon sa Portugal
[Hulagway sa panid 383]
Internasyonal nga kombensiyon nga gihimo sa Lisbon niadtong 1978
SWEDEN
[Hulagway sa panid 383]
Sa kapin sa 100 ka tuig, ang mga Saksi ni Jehova nagasangyaw sa Sweden. Sulod sa milabayng napulo ka tuig, sila nakagugol ug kapin sa 38,000,000 ka oras sa maong kalihokan. Daghang kongregasyon sa Sweden karon ang makasulti sa bisan unsa sa usa ka dosenang pinulongan gawas pa sa Sweko.
[Hulagway sa panid 383]
Aron matabangan ang tanang matang sa tawo sa Sweden, ang mga publikasyon gipundo dinhi sa 70 ka pinulongan
ESPANYA
[Hulagway sa panid 384]
Kining sangaha nag-atiman sa kapin sa 92,000 ka Saksi sa Espanya. Kini nag-imprinta sa “Ang Bantayanang Torre” ug “Pagmata!” alang sa Espanya ug Portugal. Bisan pa sa walay-puas nga panglimbasog sa Katolikong klero nga gamiton ang Estado aron sumpoon ang mga Saksi ni Jehova, ang mga Saksi nakig-ambit sa mga kamatuoran sa Bibliya uban sa katawhang Espanyol sukad niadtong 1916. Sa kataposan, niadtong 1970, sa dihang ang mga Saksi ni Jehova mikabat ug kapin sa 11,000, sila gihatagan ug legal nga pag-ila. Sukad niadto, ang ilang gidaghanon miuswag ug mga walo ka pilo.
[Hulagway sa panid 384]
Kapin sa 1,100 ka kongregasyon ang karon libreng nagatigom sa mga Kingdom Hall nga makaplagan sa tibuok nasod
SWITZERLAND
[Hulagway sa panid 384]
Sukad niadtong 1903 ang Watch Tower Society may buhatan na sa Switzerland. Usa sa unang mga imprintahanan sa Sosyedad sa Uropa ang nahimutang niining nasora. Sulod sa daghang tuig ang sanga dinhi sa Thun nag-imprinta sa mga magasin aron magamit sa daghang ubang kayutaan.
APRIKA
BENIN
[Hulagway sa panid 385]
Ang Benin gilangkoban sa mga 60 ka etnikong grupo nga nagasultig 50 ka diyalekto. Sa dihang linibo niining mga tawhana migula gikan sa ilang kanhing mga relihiyon, ang mga pari sa anting-antingan ug ang klero sa Kakristiyanohan nangasuko. Apan ang daghang hugna sa paglutos wala makapugong sa pag-uswag sa matuod nga pagsimba niining yutaa.
[Hulagway sa panid 385]
Kombensiyon nga gihimo niadtong 1990
CENTRAL AFRICAN REPUBLIC
[Hulagway sa panid 385]
Ingon ka sayo sa tuig 1947, ang mensahe sa Gingharian nakaabot sa mga tawo dinhi. Usa ka lalaki nga nakatambong sa pipila ka tigom sa mga Saksi sa laing dapit nakig-ambit sa uban sa iyang nakat-onan. Sa wala madugay dihay grupo sa pagtuon, ang mga nanambong sa tigom nagsugod dayon sa pagsangyaw, ug kadtong nagasimba kang Jehova midaghan.
CÔTE D’IVOIRE
[Mga hulagway sa panid 386]
Ang nabansay sa Gilead nga mga misyonaryo nakatabang sa pagpailaila sa matuod nga pagsimba niining nasora sa Kasadpang Aprika niadtong 1949. Kapin sa usa ka gatos sa maong mga misyonaryo ang nakaalagad dinhi. Kada tuig, kapin sa usa ka milyong oras ang ginagugol karon sa pagpangita sa gigutom sa kamatuoran nga mga tawo diha sa dapit nga giatiman niining sangang buhatan.
GHANA
[Hulagway sa panid 386, 387]
Ang pagwali sa maayong balita sa Ghana nagsugod niadtong 1924. Karon kining buhatan sa Accra nagadumala sa kapin sa 640 ka kongregasyon sa Ghana. Kini usab nagaatiman sa paghubad sa literatura sa Bibliya ngadto sa Ewe, Ga, ug Twi ug pag-imprinta niini sa maong mga pinulongan.
[Hulagway sa panid 387]
Tigom sa Kingdom Hall nga tapad sa sangang buhatan
KENYA
[Mapa/Hulagway sa panid 387]
Niadtong 1931, duha ka Saksi ni Jehova ang nagbiyahe gikan sa Habagatang Aprika aron mosangyaw sa Kenya. Sukad niadtong 1963 ang buhatan sa Sosyedad sa Kenya, sa lainlaing panahon, nakadumala sa pag-ebanghelyo sa daghang ubang nasod sa Sidlakang Aprika (ingon sa gipakita sa ubos). Ang internasyonal nga mga kombensiyon sa Kenya niadtong 1973, 1978, ug 1985 nakatabang sa pagpamatuod.
[Mapa]
(Alang sa aktuwal nga pagkahan-ay, tan-awa ang publikasyon)
KENYA
UGANDA
SUDAN
ETHIOPIA
DJIBOUTI
SOMALIA
YEMEN
SEYCHELLES
TANZANIA
BURUNDI
RWANDA
[Mga hulagway sa panid 387]
Kombensiyon sa Nairobi (1978)
NIGERIA
[Mga hulagway sa panid 388, 389]
Ang maayong balita nasangyaw na niining nasora sukad niadtong sayong katuigan sa 1920. Ang mga ebanghelisador gipadala usab gikan sa Nigeria ngadto sa ubang bahin sa Kasadpang Aprika, ug ang literatura sa Bibliya nga giimprinta dinhi padayon nga nagatagana sa panginahanglan sa sikbit nga mga nasod. Sa Nigeria mismo, ang mga Saksi ni Jehova nakapahimutang sa mga tawo ug kapin sa 28,000,000 ka kopya sa literatura aron tabangan sila sa pagsabot sa Pulong sa Diyos.
[Hulagway sa panid 388]
Gikan sa Departamento sa Pag-alagad, ang direksiyon gitagana alang sa kapin sa 160,000 ka magmamantala sa Gingharian sa Nigeria
[Hulagway sa panid 389]
Kombensiyon sa Calabar, Nigeria (1990)
LIBERIA
[Hulagway sa panid 388]
Kadtong nahimong mga Saksi ni Jehova dinhi nakaagig daghang pagsulay sa ilang pagtuo—sa dihang mobulay sa lokal nga mga patuotuo, sa dihang mosalikway sa poligamiya, sa dihang gilutos sa opisyales nga walay tukmang kahibalo labot kanila, ug sa dihang gilibotan sa politikal ug etnikong mga grupo nga naggubat. Apan, ang matuod nga pagsimba padayon nga naghiusa sa tanang matang sa tawo niining yutaa.
MAURITIUS
[Mga hulagway sa panid 389]
Ingon ka sayo sa 1933, ang masibotong mga Saksi gikan sa Habagatang Aprika miduaw niining isla sa Dagat Indian. Karon adunay kapin sa usa ka libong Saksi sa Mauritius nga nagdasig sa ilang mga silingan sa pagpangita kang Jehova aron nga sila mahimong inuyonan sa iyang panglantaw sa dihang iya nang laglagon ang presenteng daotang sistema.—Sof. 2:3.
HABAGATANG APRIKA
[Hulagway sa panid 390]
Sulod sa kapin sa 80 ka tuig, ang Watch Tower Society may sangang buhatan na sa Habagatang Aprika. Ang masibotong mga ebanghelisador gikan dinhi nakahimog dako sa pagpakaylap sa mensahe sa Gingharian ngadto sa ubang mga nasod sa habagatan ug sidlakang Aprika. Sa teritoryo nga kanhi ilalom niining sangaha (diin dihay 14,674 ka magmamantala sa Gingharian niadtong 1945), karon adunay kapin na sa 300,000 ka aktibong mga Saksi ni Jehova.
[Mga hulagway sa panid 391]
Kapin sa 110 ka maghuhubad ang nagtrabaho ubos sa pagdumala niining sangaha aron iandam ang literatura sa Bibliya sa 16 ka Aprikanong pinulongan
[Hulagway sa panid 391]
Ang pag-imprinta gihimo dinhi sa kapin sa 40 ka pinulongan
SENEGAL
[Mga hulagway sa panid 390]
Bisan tuod diyutay ra ang mga Saksi dinhi, ang sangang buhatan naningkamot nga ang kada siyudad, kada etnikong grupo, ug ang katawhan sa kada relihiyon, dili lamang sa Senegal apan usab sa palibot nga mga nasod, makabaton ug kahigayonan nga makadungog sa makapalipayng mensahe sa Bibliya.
SIERRA LEONE
[Hulagway sa panid 391]
Ang pagsangyaw sa maayong balita sa Sierra Leone nagsugod niadtong 1915. Usahay ang pag-uswag hinay. Apan sa dihang kadtong wala maghupot sa hataas nga mga sukdanan ni Jehova gipalagpot ug kadtong nag-alagad nga may sayop nga mga motibo misibog, ang mga maunongon kang Jehova miuswag sa espirituwal.
ZAMBIA
[Hulagway sa panid 392]
Kining maong sangang buhatan nagadumala sa kalihokan sa kapin sa 110,000 ka Saksi sa habagatang-sentral Aprika. Ang unang buhatan sa Sosyedad gitukod dinhi niadtong 1936. Sukad niadto, ang mga Saksi ni Jehova sa Zambia nakahimog mga balik-duaw nga kapin sa 186,000,000 aron hatagan ug dugang tabang ang mga interesado. Sila usab nakatudlo sa daghan sa pagbasa aron sila makatuon sa personal sa Bibliya ug ipaambit kana sa uban.
[Hulagway sa panid 392]
Ang usa ka serye sa mga kombensiyon sa Zambia niadtong 1992 gitambongan sa 289,643
ZIMBABWE
[Mga hulagway sa panid 392]
Ang mga Saksi ni Jehova aktibo na sa Zimbabwe sukad niadtong katuigang 1920. Sa misunod nga mga tuig, sila giatubang sa mga pagdili sa ilang literatura, pagdili sa mga asembliya, ug dili pagpasulod sa mga misyonaryo aron mosangyaw sa Aprikanong molupyo. Sa inanay, ang mga babag nasagubang, ug kining buhatana karon nagaatiman sa kapin sa 20,000 ka Saksi.
ANG ORIENTE
HONG KONG
[Mga hulagway sa panid 393]
Ang mga publikasyon sa Watch Tower gihubad dinhi ngadto sa Intsik, nga, sa daghang diyalekto niini, gisulti sa kapin sa usa ka bilyong tawo. Sa Hong Kong mismo, ang pagwali sa maayong balita nagsugod sa dihang si C. T. Russell nagpakigpulong sa city hall niadtong 1912.
INDIA
[Hulagway sa panid 393]
Kining sangaha nagadumala sa pagmantala sa mensahe sa Gingharian sa kapin sa ikaunom nga bahin sa populasyon sa tibuok yuta. Pagkakaron, kining buhatana nagadireher sa paghubad ngadto sa 18 ka pinulongan ug sa pag-imprinta sa 19 ka pinulongan. Apil niini mao ang Hindi (gisulti sa 367 ka milyong tawo) usab ang Assamese, Bengali, Gujarati, Kannada, Malayalam, Marathi, Nepali, Oriya, Punjabi, Tamil, Telugu, ug Urdu (ang kada usa gisulti sa tinagpulo ka milyon).
[Mga hulagway sa panid 393]
Ang mga Saksi nga nagsangyaw sa Malayalam
. . . sa Nepali
. . . sa Gujarati
HAPON
[Hulagway sa panid 394]
Ang mga Saksi ni Jehova sa Hapon, ingon sa tanang dapit, maoy masibotong mga magmamantala sa Gingharian sa Diyos. Niadtong 1992 lamang, sila migugol ug kapin sa 85,000,000 ka oras sa pagsangyaw sa maayong balita. Sa aberids, mga 45 porsiento sa Hapones nga mga Saksi ang nakig-ambit sa payunir nga pag-alagad kada bulan.
[Hulagway sa panid 394]
Ang literatura sa Bibliya gipatik dinhi sa daghang pinulongan, lakip ang Hapones, Intsik, ug mga pinulongan sa Pilipinas
[Hulagway sa panid 394]
Ang Rehiyonal nga Buhatan sa Enhinyeriya nagatabang sa buluhaton sa mga pasilidad sa sanga sa lainlaing kayutaan
[Graph sa panid 394]
(Alang sa aktuwal nga pagkahan-ay, tan-awa ang publikasyon)
Mga Payunir sa Hapon
75,000
50,000
25,000
1975 1980 1985 1992
REPUBLIKA SA KOREA
[Mga hulagway sa panid 395]
Mga 16 ka milyong literatura sa Bibliya, dugang pa sa mga tract, ang gigama dinhi kada tuig sa pagtagana sa kapin sa 70,000 ka Saksi sa Republika sa Korea. Mga 40 porsiento sa Koreanong mga Saksi ang anaa sa payunir nga pag-alagad.
MYANMAR
[Mga hulagway sa panid 395]
Sa dihang ang Watch Tower Society nagtukod ug sangang buhatan dinhi niadtong 1947, dihay 24 lamang ka Saksi ni Jehova sa nasod. Ang kapin sa 2,000 ka Saksi karon nga aktibo sa Myanmar naningkamot sa pag-abot dili lamang sa mga taga-siyudad apan usab sa mas daghang populasyon sa kabanikanhan.
PILIPINAS
[Hulagway sa panid 396]
Niadtong 1912, si C. T. Russell mipakigpulong sa Grand Opera House sa Manila sa ulohang “Hain ang mga Patay?” Sukad niadto ang mga Saksi ni Jehova dinhi nakagugol ug kapin sa 483,000,000 ka oras sa pagsangyaw ngadto sa mga tawo nga makaplagan sa gibanabana nga 900 ka pinuy-anang mga isla sa Pilipinas. Ang katibuk-ang pagdumala sa kapin sa 110,000 ka Saksi sa 3,200 ka kongregasyon gitagana gikan niining sangaha. Ang pag-imprinta gihimo dinhi sa walo ka pinulongan aron matagan-an ang lokal nga mga panginahanglan.
[Mga hulagway sa panid 396]
Ang mga Saksi gikan sa pipila ka dagkong grupo sa pinulongan sa Pilipinas
SRI LANKA
[Mga hulagway sa panid 397]
Sa wala pa ang Gubat sa Kalibotan 1, ang maayong balita gisangyaw na sa Ceylon (karon Sri Lanka), ngadto sa habagatan sa India. Usa ka grupo sa pagtuon ang daling naorganisar. Sukad niadtong 1953 ang Sosyedad may sangang buhatan na sa ulohang siyudad, aron sa paghatag sa mga Sinhalese, mga Tamil, ug ubang etnikong mga grupo niining nasora sa kahigayonan nga makadungog sa mensahe sa Gingharian.
TAIWAN
[Hulagway sa panid 397]
Dihay nahimong kadiyot nga pagsangyaw dinhi sa katuigang 1920. Apan kini nahimo nga mas mapadayonon sa katuigang 1950. Karon kining bag-ong mga pasilidad sa sanga gitukod aron sa pagtaganag usa ka sentro sa nagauswag nga kalihokan niining bahina sa yuta.
[Hulagway sa panid 397]
Kongregasyon sa Taipei
THAILAND
[Hulagway sa panid 397]
Sa katuigang 1930, ang payunir nga mga Saksi gikan sa Britanya, Alemanya, Australia, ug New Zealand nangabot aron makig-ambit sa kamatuoran sa Bibliya uban sa mga tawo sa Thailand (kaniadto nailhang Siam). Ang mga delegado gikan sa daghang kayutaan mitambong sa internasyonal nga mga kombensiyon dinhi niadtong 1963, 1978, 1985, ug 1991 aron dasigon ang lokal nga mga Saksi ug sa pagpakusog sa pagkaylap sa mensahe sa Gingharian.
[Hulagway sa panid 397]
1963 nga kombensiyon
[Hulagway sa panid 397]
Mga delegado gikan sa laing mga nasod niadtong 1991
KAISLAHAN SA PASIPIKO
FIJI
[Hulagway sa panid 398]
Ang sanga sa Fiji gitukod niadtong 1958. Sa makadiyot kini nagdumala sa buluhaton sa pagmantala sa Gingharian sa 12 ka nasod ug 13 ka pinulongan. Karon ang sanga sa Fiji nagtumong sa pagtagad niini sa gibanabanang usa ka gatos ka pinuy-anang isla sa kaislahan sa Fiji.
[Hulagway sa panid 398]
Ang internasyonal nga mga kombensiyon dinhi niadtong 1963, 1969, 1973, ug 1978 nakatabang sa pagpasuod sa lokal nga mga Saksi niadtong didto sa ubang kayutaan
GUAM
[Hulagway sa panid 398]
Ang buhatan sa Guam nagadumala sa pagwali sa maayong balita sa mga isla nga nakatag sa mga 7,770,000 kilometro kwadrado sa Dagat Pasipiko. Ang paghubad sa literatura sa Bibliya ngadto sa siyam ka pinulongan nailalom sa pagdumala niini.
[Hulagway sa panid 398]
Ang magtatan-aw sa sirkito kasagarang nagabiyahe pinaagig ayroplano tali sa mga isla
[Hulagway sa panid 398]
Ang lokal nga mga Saksi (ingon sa gipakita dinhi sa Micronesia) mahimong mogamit ug mga sakayan aron maabot ang ilang teritoryo
HAWAII
[Hulagway sa panid 399]
Ang Watch Tower Society may sangang buhatan na sa Honolulu sukad niadtong 1934. Ang pipila gikan sa Hawaii nakig-ambit sa buluhatong pag-ebanghelyo dili lamang sa kaislahan sa Hawaii apan usab sa Hapon, Taiwan, Guam, ug kaislahan sa Micronesia.
NEW CALEDONIA
[Hulagway sa panid 399]
Bisan pa sa kababagan gikan sa relihiyosong mga magsusupak, gidala sa mga Saksi ni Jehova ang mensahe sa Gingharian sa Diyos ngadto sa New Caledonia. Daghang tawo ang maapresyahong naminaw. Niadtong 1956 ang unang kongregasyon naporma. Karon adunay kapin na sa 1,300 ka magdadayeg ni Jehova dinhi.
NEW ZEALAND
[Hulagway sa panid 399]
Niadtong 1947 ang Watch Tower Society nagtukod ug sangang buhatan sa New Zealand aron mas suod nga madumala ang pagwali sa maayong balita dinhi.
[Hulagway sa panid 399]
Ang gihimong paghubad dinhi sa sanga nakapaarang sa mga molupyo sa Samoa, Rarotonga, ug Niue nga makadawat sa regular espirituwal nga pagpalig-on.
[Hulagway sa panid 399]
Ang mga maghuhubad ug mga proofreader nagtambayayong aron magtaganag mga publikasyon nga taas ug kwalidad
AUSTRALIA
[Mga hulagway sa panid 400]
Ang Watch Tower Society may sangang buhatan na sa Australia sukad niadtong 1904. Sa miagi kining sangaha nagdumala sa buluhaton sa pagmantala sa Gingharian sa dul-ag kapin sa un-kuwarto sa nawong sa tibuok-yuta, lakip sa Tsina, Habagatan-sidlakang Asia, ug kaislahan sa Habagatang Pasipiko.
[Hulagway sa panid 400]
Karon, kining sangaha nagaimprinta ug literatura sa Bibliya sa kapin sa 25 ka pinulongan. Ang imprintahanan dinhi nakatabang sa pagtaganag literatura nga gikinahanglan sa mga 78,000 ka Saksi sa mga dapit nga gidumala sa walo ka sanga sa Habagatang Pasipiko.
[Hulagway sa panid 400]
Ang Rehiyonal nga Buhatan sa Enhinyeriya nagtabang sa pagtukod sa sanga sa Habagatang Pasipiko ug Habagatan-sidlakang Asia
[Mapa/Hulagway sa panid 400]
Mga nasod nga gitagan-an ug literatura gikan sa sanga sa Australia
[Mapa]
(Alang sa aktuwal nga pagkahan-ay, tan-awa ang publikasyon)
AUSTRALIA
PAPUA NEW GUINEA
NEW CALEDONIA
SOLOMON ISLANDS
FIJI
WESTERN SAMOA
TAHITI
NEW ZEALAND
PAPUA NEW GUINEA
[Mga hulagway sa panid 400]
Usa ka linaing hagit ang giatubang sa mga Saksi ni Jehova niining yutaa—ang mga tawo nagasultig 700 ka lainlaing pinulongan. Ang mga Saksi gikan sa labing menos napulo ka nasod namalhin dinhi aron makig-ambit sa buluhaton. Naningkamot sila pag-ayo aron makakat-on sa lokal nga mga pinulongan. Ang mga interesado nagahubad alang niadtong nagasultig laing pinulongan. Ang mga hulagway gigamit usab nga epektibo ingong tabang sa pagpanudlo.
SOLOMON ISLANDS
[Mga hulagway sa panid 401]
Ang pagtuon sa Bibliya nga gidumala sa daghang nasod pinaagig koreo nagdala sa mensahe sa Gingharian ngadto sa Solomon Islands sayo sa katuigang 1950. Bisan pa sa grabeng mga babag, mikaylap ang kamatuoran sa Bibliya. Kining sangang buhatan ug ang dako nga Assembly Hall maoy mga resulta sa lokal nga kamamugnaon, internasyonal nga pagtambayayongay, ug sa dagayang espiritu ni Jehova.
TAHITI
[Mga hulagway sa panid 401]
Sayo sa katuigang 1930, ang mga Saksi ni Jehova nakaabot sa Tahiti dala ang mensahe sa Gingharian. Dinhi, sa tungatunga sa Dagat Pasipiko, ang bug-os nga pagpamatuod gihimo. Sa milabay lamang nga upat ka tuig, ang pagwali nga nahimo sa aberids, mikabat sa kapin sa lima ka oras nga pakig-estorya, sa matag lalaki, babaye, ug bata sa isla.
WESTERN SAMOA
[Hulagway sa panid 401]
Ang Western Samoa maoy usa sa kinagamyang nasod sa kalibotan, apan ang mga Saksi ni Jehova may sangang buhatan usab dinhi. Kining pasilidara gitukod niadtong 1992 aron mag-atiman sa kalihokan dinhi ug sa ubang duol nga mga isla, lakip sa American Samoa.