Kinsa ang mga Kaaway sa Diyos?

Si Satanas nga Yawa ang pangunang kaaway sa Diyos. Siya maoy espiritung linalang nga mirebelde batok kang Jehova. Nagpadayon si Satanas sa pagpakig-away sa Diyos ug pagpahinabog dakong kasamok sa mga tawo. Daotan si Satanas. Siya bakakon ug mamumuno.​—Juan 8:44.

Ang ubang espiritung mga linalang miduyog kang Satanas sa iyang pagrebelde batok sa Diyos. Mga demonyo ang pagtawag kanila sa Bibliya. Sama kang Satanas, ang mga demonyo maoy mga kaaway sa mga tawo. Gusto nilang pasakitan ang mga tawo. (Mateo 9:32, 33; 12:22) Si Jehova maglaglag kang Satanas ug sa iyang mga demonyo sa bug-os. Mubo na lang ang ilang nahibiling panahon aron samokon ang mga tawo.​—Pinadayag 12:12.

Kon ikaw buot nga mahimong higala sa Diyos, kinahanglang dili nimo buhaton ang gusto ni Satanas nga ipabuhat kanimo. Si Satanas ug ang iyang mga demonyo nagdumot kang Jehova. Sila maoy mga kaaway sa Diyos, ug buot nilang himoon ka nga kaaway sa Diyos. Kinahanglang magpili ka kon kinsay imong pahimut-an​—si Satanas o si Jehova. Kon ikaw buot ug kinabuhing dayon, kinahanglang imong pilion ang pagbuhat sa kabubut-on sa Diyos. Si Satanas adunay daghang lansis ug mga paagi aron limbongan ang mga tawo. Ang kadaghanang tawo iyang ginalimbongan.​—Pinadayag 12:9.