Ang Jerusalem ug ang Templo nga Kanunayng Adtoan ni Jesus
WALA madugay sa pagkatawo ni Jesus, siya gidala ni Jose ug Maria ngadto sa siyudad diin gibutang sa iyang langitnong Amahan ang Iyang ngalan—ang Jerusalem. (Luc 2:22-39) Sa panuigong 12 anyos, miadto na usab didto si Jesus, alang sa Paskuwa. Nahingangha kaniya ang mga magtutudlo didto sa templo tungod sa iyang pagpanabot. (Luc 2:41-51) Ang pagtrabaho sa maong templo, nga maoy bahin sa programa sa pagpanukod ni Herodes nga Bantogan, mikabat ug kapin sa “kap-atag-unom ka tuig.”—Ju 2:20.
Panahon sa iyang ministeryo, si Jesus moadto sa Jerusalem panahon sa mga pista, diin siya kanunayng manudlo sa mga panon sa katawhan. Sa duha ka higayon iyang giabog ang mga tig-ilis ug salapi ug ang mga negosyante gikan sa sawang sa templo.—Mat 21:12; Ju 2:13-16.
Amihanan sa templo, didto sa linaw sa Bethzatha, giayo ni Jesus ang usa ka lalaki nga nagmasakiton sa 38 na ka tuig. Giayo usab sa Anak sa Diyos ang usa ka tawong buta, nga iyang gisugo nga manghilam-os didto sa linaw sa Siloam sa habagatang bahin sa siyudad.—Ju 5:1-15; 9:1, 7, 11.
Si Jesus kanunayng moduaw sa iyang mga higala nga si Lazaro, Maria, ug Marta sa Betania, “mga tulo ka kilometro” silangan sa Jerusalem. (Ju 11:1, 18, New World Translation of the Holy Scriptures-With References, potnot; 12:1-11; Luc 10:38-42; 19:29; tan-awa ang “Yuta sa Jerusalem,” panid 18.) Pipila ka adlaw una siya mamatay, nagsingabot si Jesus sa Jerusalem agi sa Bukid sa mga Olibo. Handurawa nga siya mihunong ug mitan-aw pakasadpan sa siyudad ug mihilak tungod niana. (Luc 19:37-44) Ang talan-awong iyang nakita susama kaayo sa talan-awong imong makita sa itaas sa sunod panid. Unya misulod siya sa Jerusalem sakay sa nati sa usa ka asno, lagmit agi sa usa sa silangang mga ganghaan sa siyudad. Gidayeg siya sa mga panon sa katawhan ingong umaabot nga Hari sa Israel.—Mat 21:9-12.
Ang importanteng mga panghitabo sa dayon nang mamatay si Jesus nahitabo sa mga dapit sulod o duol sa Jerusalem: sa tanaman sa Getsemane, diin si Jesus nag-ampo; sa hawanang-tigomanan sa Sanhedrin; sa balay ni Caifas; sa palasyo ni Gobernador Pilato ug, sa kataposan, sa Golgotha.—Mar 14:32, 53–15:1, 16, 22; Ju 18:1, 13, 24, 28.
Sa iyang pagkabanhaw, si Jesus nagpakita sa sulod ug sa duol sa Jerusalem. (Luc 24:1-49) Unya, misaka siya ngadto sa langit gikan sa Bukid sa mga Olibo.—Buh 1:6-12.
[Diagram sa panid 31]
(Alang sa aktuwal nga pagkahan-ay, tan-awa ang publikasyon)
Templo sa Jerusalem/Templo ni Herodes
Mga Bahin sa Templo
1. Labing Balaan
2. Balaan
3. Halaran sa Halad-nga-Sinunog
4. Inumol nga Dagatdagat
5. Sawang sa mga Saserdote
6. Sawang sa Israel
7. Sawang sa mga Babaye
8. Sawang sa mga Hentil
9. Babag (Soreg)
10. Portiko sa Hari
11. Portiko ni Solomon
TEMPLO
Ganghaan
Sawang sa mga Saserdote
Gate
Labing Halaran sa
Balaan Balaan Halad-nga Sawang sa Sawang sa
-Sinunog Israel mga Babaye
Inumol nga
Dagatdagat
Ganghaan Portiko ni
Babag (Soreg) Solomon
Sawang sa mga Hentil
Ganghaan
Portiko sa Hari
Mga Ganghaan
Torre sa Antonia
Taytayan
Hawanang-Tigomanan sa Sanhedrin?
WALOG SA TYROPOEON
Linaw sa Siloam
Agosanan sa tubig
Balay ni Caifas?
Palasyo sa Gobernador
Golgotha?
Golgotha?
Linaw sa Bethzatha
Tanaman sa Getsemane?
BUKID SA MGA OLIBO
WALOG SA KIDRON
Tuboran sa Gihon
En-rogel
WALOG SA HINNOM (GEHENNA)
[Mga hulagway sa panid 30]
Talan-awon pasilangan sa tibuok nga modernong Jerusalem: (A) dapit sa templo, (B) tanaman sa Getsemane, (C) Bukid sa mga Olibo, (D) kamingawan sa Juda, (E) Patayng Dagat
[Hulagway sa panid 31]
Talan-awon pakasadpan gikan sa Bukid sa mga Olibo sa adlaw ni Jesus