Ang Diyos Makatabang Kanimo sa Pagpangandam Alang sa Iyang Dakong Adlaw

“Ang dakong adlaw ni Jehova haduol na,” matod sa manalagna sa Diyos. (Sofonias 1:14) Tuling nagsingabot ang maong adlaw, mao nga ang atong pagkinabuhi kinahanglang magpakita nga kita nahibalo nga kana haduol na. Nahibalo ka ba nga ang giingong Mga Gagmay nga Manalagna adunay hinungdanong butang nga isulti kanimo bahin nianang dakong adlaw? Ang mga Kapitulo 1 hangtod 3 niining basahona motabang kanimo nga mahibalo bahin sa maong 12 ka manalagna ug sa mga tema sa ilang mga basahon. Sa maong paagi ikaw makabatog kaayohan gikan sa ilang gisulat, nga makakaplag ug mga pagtulon-an nga magmapuslanon sa imong kinabuhi.