Maayong Panig-ingnan​—Ang Sulamita

Ang dalagang Sulamita nahibalo nga dili siya angayng magpadaog sa iyang emosyon. Iyang gisultihan ang iyang mga higala niining mga pulonga, ‘panumpa kamo, ayaw palihoka o pukawa ang gugma sa sulod nako hangtod nga kini buot na.’ Ang Sulamita nahibalo nga ang hunahuna madaog sa kasingkasing. Pananglitan, siya nahibalo nga ang uban mopugos kaniya sa pagsugot sa usa ka tawo nga dili angay kaniya. Bisan gani ang iyang maayong paghukom madaot tungod sa iyang pagbati. Busa ang Sulamita nagpabiling samag “usa ka paril.”​—Awit ni Solomon 8:4, 10.

Ang imo bang panglantaw sa gugma sama ka hamtong nianang sa Sulamita? Mamati ka bag katarongan ug dili magpadala sa imong emosyon? (Proverbio 2:10, 11) Usahay pugson ka tingali sa uban sa pagsulod sa usa ka relasyon nga dili ka pa andam. O basin ikaw ra poy hinungdan nga magkaproblema ka. Pananglitan, kon makakita kag lalaki ug babaye nga nagkinuptanay, mangandoy ka ba usab nga unta duna kay trato? Makigtrato ka ba sa usa ka tawo nga dili sama nimog relihiyon? Ang Sulamita hamtong niining bahina. Makasundog ka usab kaniya!