Maayong Panig-ingnan​—Jose

Si Jose nakaatubang ug lisod nga situwasyon. Ang asawa sa iyang agalon nagsigeg panghagad kaniya sa pagpakigsekso. Ug karon gihagad na pod siya! Apan wala magpatental si Jose. Gani, si Jose prangka nga miingon kaniya: “Unsaon ko pagbuhat kining dakong pagkadaotan ug makasala gayod batok sa Diyos?” Sa dihang ang asawa sa iyang agalon wala magpabalibad, iyang gibira si Jose, ug wala maulaw si Jose sa pagkalagiw. Gani, siya midagan pagawas sa balay! Si Jose nagpakita nga siya malig-on ug moral.​—Genesis 39:7-12.

Basin dunay motental usab kanimo sa pagtagbaw sa imong gana sa pagpakigsekso. Dili buot ingnon nga mobalibad ka kay lig-on ka ug determinasyon. Mobalibad ka kay gusto nimong mapahimut-an ang imong Maglalalang, si Jehova nga Diyos. Si Jose may pangibog usab sa pagpakigsekso, sama kanimo. Apan dili makaako si Jose sa pagtagbaw sa iyang pangibog sa paagi nga makapasuko sa iyang Maglalalang. Busa kinahanglang kombinsido ka nga ang moral nga kahugawan makapasuko sa Diyos ug kana sa ngadto-ngadto moresultag kagul-anan. Busa paningkamot sa pag-ugmad ug paghupot ug lig-ong moralidad sama nianang gipasundayag ni Jose.