“Magbalantay Ko si Jehova”

1. Ang Diyos akong Magbalantay.

Unsay kahadlokan ko?

Tanang karnero giamoma,

Way usa nga kalimtan.

Sa tubig iyang gitagbaw

Kalag ko nga giuhaw.

Lakang ko iyang gitultolan

Sa matarong nga dalan.

Lakang ko iyang gitultolan

Sa matarong nga dalan.

2. Sa walog sa kangitngitan,

Ako way kahadlokan.

Magbalantay ko si Jehova;

Ang sungkod niya panagang.

Akong ulo gidihogan;

Kopa ko di mahutdan.

Sa gugma niya ako mahupngan

Sa walay kataposan.

Sa gugma niya ako mahupngan

Sa walay kataposan.

3. Magbalantay maalamon!

Ako siyang pagadayegon.

Ang gugma niya akong isangyaw

Sa tanang karnerohon.

Ang Pulong niya akong sundon,

Ang dalan niya subayon.

Pagsimba ko kaniya bililhon,

Adlaw-adlaw himoon.

Pagsimba ko kaniya bililhon,

Adlaw-adlaw himoon.