BAHIN 1

Sa Unsang Paagi Kita Mamati sa Diyos?

Ang Diyos nakigsulti kanato pinaagi sa Bibliya. 2 Timoteo 3:16

Gikan sa iyang trono sa langit, gigiyahan ni Jehova ang mga lalaki sa pagsulat sa Bibliya

Ang matuod nga Diyos migamit ug mga tawo aron isulat ang iyang hunahuna diha sa usa ka sagradong basahon—ang Bibliya. Naundan kinig hinungdanong impormasyon nga gusto sa Diyos nga imong mahibaloan.

Ang Diyos nahibalo kon unsay labing maayo kanato, ug siya ang Tuboran sa tanang kaalam. Kon mamati ka kaniya, ikaw mahimong maalamon.—Proverbio 1:5.

Ang Bibliya diha sa daghang pinulongan; tawong nagbasa sa Bibliya sa iyang pinulongan

Gusto sa Diyos nga ang tanan makabasa sa Bibliya. Kini mabatonan na sa daghang pinulongan.

Kon gusto kang mamati sa Diyos, angay nimong basahon ug sabton ang Bibliya.

Ang mga tawo sa tanang dapit namati sa Diyos. Mateo 28:19

Gibasahan ug teksto sa Saksi ni Jehova ang usa ka tawo, unya nagtuon sa Bibliya uban niya

Ang mga Saksi ni Jehova makatabang kanimo nga masabtan ang Bibliya.

Sa tibuok yuta, sila nagtudlo sa kamatuoran bahin sa Diyos.

Tigom sa Kingdom Hall sa mga Saksi ni Jehova

Ang ilang pagpanudlo walay bayad. Makakat-on sab ka bahin sa Diyos diha sa Kingdom Hall sa mga Saksi ni Jehova.