Sila Namati Kang Satanas​—Unsay Resulta?

Si Adan ug Eva misupak sa Diyos, busa sila namatay. Genesis 3:6, 23

Si Eva namati sa halas ug mikaon sa bunga. Dayon iyang gihatagan si Adan, ug siya mikaon usab.

Sayop ang ilang gihimo​—kadto maoy sala. Gipahawa sila sa Diyos sa ilang Paraisong puy-anan.

Lisod ang ilang kinabuhi ug sa ilang mga anak. Sila natigulang ug namatay. Sila wala moadto sa kalibotan sa mga espiritu; sila wala na maglungtad.

Ang patay walay kinabuhi sama sa abog. Genesis 3:19

Kita mamatay kay kita gikan kang Adan ug Eva. Ang patay dili makakita, makadungog, o makabuhat ug bisan unsa.​—Ecclesiastes 9:5, 10.

Dili gusto ni Jehova nga mamatay ang tawo. Sa dili madugay, iyang banhawon ang mga patay. Kon sila mamati kaniya, sila mabuhi sa walay kataposan.