BAHIN 5

Ang Dakong Lunop—Kinsay Namati? Kinsay Wala?

Daotan ang kadaghanang tawo sa panahon ni Noe. Genesis 6:5

Daotang mga anghel nga nagsul-ob ug lawas sa tawo ug nakig-uban sa mga babaye

Si Adan ug Eva nakabatog mga anak, ug ang mga tawo midaghan sa yuta. Sa ulahi, ang pipila ka anghel miduyog kang Satanas sa pagrebelde.

Sila nanaog sa yuta ug nagsul-ob ug lawas sa mga lalaki aron makigminyo sa mga babaye. Ang mga babaye nanganak ug mga anak nga pintas ug mas kusgan kay sa normal nga mga tawo.

Babayeng nagkugos ug masuso gidapatan sa usa ka bata; bayolenteng mga Nepilim, ang mga anak sa daotang mga anghel

Ang kalibotan napunog daotang mga tawo. Ang Bibliya nag-ingon nga “grabe na ang pagkadaotan sa mga tawo sa yuta ug daotan kanunay ang naa sa ilang hunahuna ug kasingkasing.”

Si Noe namati sa Diyos ug naghimog arka. Genesis 6:13, 14, 18, 19, 22

Si Noe maoy maayong tawo. Gisultihan ni Jehova si Noe nga Iyang laglagon ang daotang mga tawo pinaagig dakong lunop.

Si Noe ug ang iyang pamilya nagtukod ug arka

Gisultihan usab sa Diyos si Noe nga maghimog dakong barko, nga tawgon ug arka, ug pasudlon didto ang iyang pamilya ug ang tanang matang sa hayop.

Si Noe nagpasidaan sa mga tawo bahin sa nagsingabot nga Lunop pero gikataw-an nila siya

Gipasidan-an ni Noe ang mga tawo sa nagsingabot nga Lunop, apan sila wala mamati. Ang uban nasuko ug nagbiaybiay kaniya.

Si Noe ug ang iyang pamilya nagtapok sa mga hayop aron mosulod sa arka

Sa dihang nahuman ang arka, gipasulod ni Noe ang mga hayop.