Kinsa si Jesus?

Gipadala ni Jehova si Jesus dinhi sa yuta. 1 Juan 4:9

Aron malipay si Jehova, angayng mamati kita sa lain pang hinungdanong persona. Dugay na kanhi sa wala pa lalanga si Adan, gilalang ni Jehova ang usa ka gamhanang espiritung persona sa langit.

Sa ulahi, gipadala siya ni Jehova sa yuta. Siya gipanganak sa Betlehem pinaagi sa ulay nga si Maria. Ang bata ginganlag Jesus.​—Juan 6:38.

Ingong tawo, si Jesus hingpit nga nagpabanaag sa mga hiyas sa Diyos. Siya buotan, mahigugmaon, ug sayon duolon. Siya maisogong nagtudlo sa kamatuoran bahin kang Jehova.

Si Jesus naghimog maayo apan siya gidumtan. 1 Pedro 2:21-24

Ang mga lider sa relihiyon nagdumot kang Jesus kay iyang giyagyag ang ilang bakak nga mga pagtulon-an ug daotang mga buhat.

Si Jesus nag-ayog mga masakiton ug nagbanhawg mga patay.

Ang mga lider sa relihiyon nagsulsol sa mga Romano sa pagbun-og ug pagpatay kang Jesus.