Si Abraham ug Sara Misunod sa Diyos

Duol sa Babel dunay siyudad nga gitawag ug Ur. Ang mga tawo didto nagsimbag daghang diyos gawas kang Jehova. Pero naay tawo sa Ur nga si Jehova lang ang iyang gisimba. Siya si Abraham.

Miingon si Jehova kang Abraham: ‘Biyai ang imong balay ug mga paryente ug adto sa lugar nga akong ipakita nimo.’ Dayon gisaaran siya sa Diyos: ‘Himoon ti kang dakong nasod, ug maghimo kog maayong mga butang para sa tanang tawo sa tibuok yuta tungod nimo.’

Wala kabalo si Abraham kon asa siya paadtoon ni Jehova, pero misalig siya kang Jehova. Nag-empake si Abraham, iyang asawa nga si Sara, iyang Papa nga si Tera, ug iyang pag-umangkon nga si Lot, ug milakaw. Layo ang ilang adtoan.

Si Abraham nag-edad ug 75 dihang siya ug ang iyang pamilya nakaabot sa lugar nga gustong ipakita ni Jehova kanila. Gitawag tong lugara ug Canaan. Didto gisaaran sa Diyos si Abraham: ‘Kining tanang yuta nga imong nakita, akong ihatag sa imong mga anak.’ Pero tigulang na si Abraham ug Sara, ug wala silay anak. Busa unsaon ni Jehova pagtuman sa iyang saad?