Magdinasigay Kita sa Usag Usa

1. Samtang usag usa dasigon

Sa pag-unong kang Jehova,

Gugma nato mas molig-on pa

Ug magkahiusa kita.

Tungod sa gugma sa igsoon,

Moantos tang maisogon.

Dangpanan sab ang kongregasyon,

Salipdanan nga malig-on.

2. Makapahupayng mga pulong

Pagkanindot paminawon!

Ato gayod kining madunggan

Gikan sa kaigsoonan.

Tabangan ang mga igsoon

Sa ilahang palas-anon.

Ato gyod silang palig-onon

Aron ta magmalipayon.

3. Klaro nato kining nasabtan,

Nga hapit na’ng kataposan.

Busa manambong ta sa tigom

Aron pagtuo molig-on.

Padayon ta nga moalagad

Duyog sa mga igsoon.

Matag usa atong dasigon,

Padayong magmaunongon.