Diyosnong Sumbanan sa Gugma

1. Hiyas nga gugma gikan kang Jehova,

Kanato naggiya.

Gipakita n’ya hingpit nga paagi

Sa pagsundog sa gugma n’ya.

Iyang gihatag Anak n’yang pinangga

Aron malukat ang kalapasan ta.

Kinadak-an ning pagpakitag gugma!

Ang Diyos gugma, dalan n’ya gugma.

2. Ang gugma sa Diyos dalisay, tiunay.

Ato ning sundogon.

Kini modasig nga atong panggaon

Tanan nato nga igsoon.

Ang atong gugma sa Diyos ug igsoon

Kinasingkasing natong ipakita.

Ang ilang sala tabonan ug gugma.

Diyosnong gugma ang ipakita.

3. Tungod sa gugma kita nahiusa

Nga samag pamilya.

Kita gidapit sa Diyos nga Jehova:

“Hingpiton ta atong gugma.”

Malipayon ta ug nagkahiusa

Sa pag-alagad sa Diyos nga Jehova.

Hinaot dili nato hikalimtan,

Ang Diyos gugma. Oo, Diyos gugma.