Pagsabot sa mga Tagna ni Ezequiel

KAHULOGAN​—UNSA ANG TAGNA?

Sa Bibliya, ang Hebreohanong verb nga na·vaʼʹ, nga gihubad nga “pagtagna,” pangunang nagtumong sa pagpahayag ug mensahe, paghukom, moral nga pagtulon-an, o sugo sa Diyos. Kini nagtumong sab sa pagpahayag ug mensahe sa Diyos bahin sa umaabot. Ang mga tagna ni Ezequiel naglakip nianang tanan.​—Ezeq. 3:10, 11; 11:4-8; 14:6, 7; 37:9, 10; 38:1-4.

MGA PAAGI SA PAGPAHAYAG

• 

  PANAN-AWON

• 

  ILUSTRASYON

• 

  PAGMOSTRA

Ang basahon sa Ezequiel dunay mga panan-awon, ilustrasyon, sambingay, ug pagmostra sa mga tagna.

MGA KATUMANAN

Usahay, dili lang usa ang katumanan sa mga tagna ni Ezequiel. Pananglitan, ang mga tagna sa pagpasig-uli unang natuman dihang ang katawhan sa Diyos mibalik sa Yutang Saad. Pero sa gihisgotan sa Kapitulo 9 niini nga publikasyon, daghan sa maong mga tagna sa pagpasig-uli dunay katumanan karon ug sa umaabot.

Kaniadto, atong giisip nga dunay gisimbolohan ang daghang bahin sa mga tagna ni Ezequiel. Apan kini nga publikasyon wala maghisgot nga ang mga tawo, butang, lugar, o hitabo dunay gisimbolohan sa atong panahon, gawas kon may tin-awng basehanan sa Kasulatan.a Hinuon, kini naghisgot sa mas dakong katumanan sa daghang tagna ni Ezequiel. Naghisgot sab ni sa mga leksiyon nga atong makat-onan sa mensahe ni Ezequiel, apil sa mga tawo, lugar, ug hitabo nga iyang gihisgotan.