Ezequiel​—Iyang Kinabuhi ug Panahon

Ang ngalang Ezequiel nagkahulogang “Ang Diyos Nagpalig-on.” Bisan tuod ang mga tagna nga iyang gipahayag dunay daghang pasidaan, ang katibuk-ang mensahe nahiuyon sa kahulogan sa iyang ngalan ug nagpalig-on sa pagtuo niadtong gustong mosimba sa Diyos sa putling paagi.

UBANG PROPETA SA IYANG PANAHON

• 

  JEREMIAS

  Gikan sa banay sa mga saserdote ug halos didto sa Jerusalem nag-alagad (647-580 B.C.E.)

• 

  HULDA

  Nag-alagad sa panahon nga ang basahon sa Balaod nakit-an sa templo sa mga 642 B.C.E.

• 

  DANIEL

  Gikan sa harianong tribo sa Juda ug gibihag sa Babilonya sa 617 B.C.E.

• 

  HABACUC

  Lagmit nag-alagad sa Juda sa sinugdan sa pagmando ni Jehoiakim

• 

  ABDIAS

  Nanagna batok sa Edom, tingali panahon sa pagkalaglag sa Jerusalem

KANUS-A SILA NANAGNA? (TANAN B.C.E.)

IMPORTANTENG MGA HITABO SA PANAHON NI EZEQUIEL (TANAN B.C.E.)

1. c.643: Natawo

2. 617: Gibihag sa Babilonya

3. 613: Nagsugod pagpanagna; nakakitag panan-awon bahin kang Jehova

4. 612: Nakakitag panan-awon sa apostasya diha sa templo

5. 611: Nagsugod sa pagpahayag ug paghukom batok sa Jerusalem

6. 609: Iyang asawa namatay; kataposang paglikos sa Jerusalem

7. 607: Nakadawat ug mensahe nga nalaglag na ang Jerusalem

8. 593: Nakakitag panan-awon bahin sa templo

9. 591: Nagtagna nga sakopon ni Nabucodonosor ang Ehipto; natapos pagsulat

MGA HARI SA JUDA UG BABILONYA

1. 659-629: Gipangusgan ni Josias ang kampanya para sa putling pagsimba pero namatay siya sa gubat batok kang Paraon Neko

2. 628: Ang daotang si Jehoahaz nagmando sa tulo ka bulan ug gibihag ni Paraon Neko

3. 628-618: Si Jehoiakim, nga daotang hari, gihimo ni Paraon Neko nga magmamando ilalom niya

4. 625: Gipildi ni Nabucodonosor ang mga Ehiptohanon

5. 620: Gisulong ni Nabucodonosor ang Juda sa unang higayon ug iyang gihimo si Jehoiakim nga magmamando sa Jerusalem ilalom niya

6. 618: Si Jehoiakim mirebelde kang Nabucodonosor pero lagmit namatay dihang gisulong sa Babilonya ang Yutang Saad sa ikaduhang higayon

7. 617: Si Jehoiakin, nga nailhan sab nga Jeconias, maoy daotang hari nga nagmando sa tulo ka bulan ug dayon misurender kang Nabucodonosor

8. 617-607: Si Zedekias, nga daotan ug talawan nga hari, gihimo ni Nabucodonosor nga magmamando ilalom niya

9. 609: Si Zedekias mirebelde kang Nabucodonosor, kinsa misulong dayon sa Juda sa ikatulong higayon

10. 607: Gilaglag ni Nabucodonosor ang Jerusalem ug iyang gidakop si Zedekias, gibutaan, ug gibihag sa Babilonya