KAHON SA IMPORMASYON 16B
Pagpanghupaw ug Pag-agulo, Pagmarka, Pagdugmok—Kanus-a ug Sa Unsang Paagi?
Ang panan-awon nga narekord sa Ezequiel kapitulo 9 dunay katumanan sa atong panahon. Dihang masabtan nato kon unsay sunodsunod nga mahitabo, matabangan ta nga dili mahadlok sa pag-atubang sa kataposan niining sistemaha sa mga butang
“Pagpanghupaw ug pag-agulo”
KANUS-A: Panahon sa kataposang mga adlaw, sa dili pa ang dakong kasakitan
SA UNSANG PAAGI: Sa pulong ug buhat, ipakita sa mga tawong matarong ug kasingkasing nga gidumtan nila ang pagkadaotan niining kalibotana. Sila modawat sa mensahe nga gisangyaw karon, mosugod pagsul-ob sa samag Kristo nga personalidad, magpabawtismo ingong simbolo sa ilang dedikasyon kang Jehova, ug maunongong mosuportar sa mga igsoon sa Kristo
“Pagmarka”
KANUS-A: Panahon sa dakong kasakitan
SA UNSANG PAAGI: Ang lalaki nga dunay tintiro sa sekretaryo nagrepresentar kang Jesu-Kristo dihang siya moabot ingong Maghuhukom sa tanang kanasoran. Kadtong sakop sa dakong panon makadawat ug maayong paghukom, o marka, ingong mga karnero, nga nagpakitang maluwas sila sa Armagedon
“Pagdugmok”
KANUS-A: Sa Armagedon
SA UNSANG PAAGI: Si Jesu-Kristo ug ang iyang langitnong kasundalohan, nga naglakip sa mga anghel ug sa iyang 144,000 ka kaubang magmamando, bug-os maglaglag niining daotang kalibotan ug magluwas sa putling mga magsisimba ngadto sa matarong nga bag-ong kalibotan