Paggamit ug mga Pangutana

Mateo 16:13-16

SUMARYO: Pagsuknag maayong pagkapili nga mga pangutana aron mapukaw ug dili mawala ang interes, makapangatarongan sa imong mamiminaw, ug mapasiugda ang importanteng mga punto.

KON UNSAON PAGHIMO:

• Pukawa ang interes ug paningkamoti nga dili kini mawala. Paggamit ug mga pangutana nga makapahunahuna sa mamiminaw sa punto nga imong gipasiugda o makapainteres nilang mahibalo sa tubag.

• Pangatarongan. Pagsuknag mga pangutana aron masundan sa mamiminaw ang imong pangatarongan ug makahimo silag hustong konklusyon.

• Ipasiugda ang importanteng mga punto. Pagsuknag makapainteres nga pangutana aron ipaila ang pangunang punto. Paggamit ug repasong mga pangutana human mahisgoti ang importanteng punto o sa konklusyon sa imong bahin.