ADNA

[Kahimuot].

1. Usa ka maisog nga opisyal sa kasundalohan sa Manases nga mitalikod kang Saul aron modapig sa kasundalohan ni David sa Ziklag. Siya nakig-away dapig kang David sa paggukod sa pundok sa mga bandido nga Amalekanhon nga naggun-ob sa kampo ni David sa Ziklag, ug siya nahimong pangulo sa kasundalohan ni David.​—1Cr 12:​20, 21; 1Sa 30:​1, 2, 17-19.

2. Usa ka Judeanhong heneral sa kasundalohan sa panahon sa paghari ni Haring Jehosapat, nga nangulo sa 300,000 ka maisog, gamhanang mga manggugubat, ug may pagbulot-an sa dugang 480,000 ka kasundalohan nga gipangulohan sa mga heneral nga si Jehohanan ug Amasias, silang tanan nag-alagad sa hari didto sa Jerusalem.​—2Cr 17:13-16, 19.

3. Usa ka Israelinhon, kaliwat sa balay o banay sa amahan ni Pahat-moab, nga lakip niadtong miuyon sa pagpapahawa sa ilang dili-Israelinhong mga asawa sa panahon sa paghinlo nga gihimo agig pagsunod sa tambag ni Esdras nga saserdote.​—Esd 10:​30, 44.

4. Usa ka saserdote nga iya sa balay o banay sa amahan ni Harim, sulod sa mga adlaw sa Hataas nga Saserdoteng si Joiakim ug ni Nehemias ug Esdras nga saserdote.​—Neh 12:​12-15, 26.