AGAGIHANON

[Kang (Iya ni) Agag].

Usa ka termino nga gigamit alang kang Haman ug sa iyang amahan nga si Hamedata diha sa Ester 3:​1, 10; 8:​3, 5; 9:24. Kini mopatim-awng nagpaila kanila ingong mga kaliwat ni Agag ug busa Amalekanhon ug kagikan. Ingon niini ang kasagarang pagsabot sa mga Hudiyo niining pulonga ug ilang giisip nga ang Agag mao ang monarko nga gihisgotan sa 1 Samuel 15:8-33. Si Josephus naghisgot kang Haman ingong “Amalekanhon ug kagikan.” (Jewish Antiquities, XI, 209 [vi, 5]) Si Mardokeo maoy kaliwat ni Kis sa tribo ni Benjamin, busa siya ug si Haman, sa usa ka diwa, maoy karaang magkaaway.​—Est 2:5.