ASIMA

Usa ka bathala nga gisimba sa katawhan gikan sa Hamat nga gipapuyo sa hari sa Asirya didto sa Samaria human sa iyang pagbihag sa mga Israelinhon. (2Ha 17:​24, 30) Si Asima, sumala sa Babilonyanhong Talmud (Sanhedrin 63b), gilarawan ingong usa ka walay balhibo nga laking kanding, ug tungod niini gituohan sa pipila nga si Asima mao si Pan, usa ka diyos sa pertilidad nga magbalantay sa kahayopan. Ang laing ideya mao nga ang ngalang Asima lagmit maoy usa ka tinuyong pag-usab sa ngalang “Asera” (ang Canaanhong diyosa sa pertilidad) aron ikombinar kini sa Hebreohanong pulong nga ʼa·shamʹ (“pagkasad-an”; Gen 26:10). Hinunoa, walay ikasulti nga tino labot niini gawas sa kon unsay gibutyag sa Bibliya.