BAALA

[Dapit sa Agalong Babaye].

1. Usa ka siyudad sa A nga utlanan sa Juda, gitawag usab nga Kiriat-baal apan mas nailhan ingong Kiriat-jearim. Gituohan nga lagmit mao kini ang Deir el-ʽAzar (Tel Qiryat Yeʽarim), mga 13 km (8 mi) sa KAK sa Jerusalem.​—Jos 15:​9, 10, 60; 18:14; 1Cr 13:6; tan-awa ang KIRIAT-JEARIM.

2. Usa ka bukid sa AK nga bahin sa Juda, tali sa mga lungsod sa Sikeron ug sa Jabneel, nga bahin sa A nga utlanan sa teritoryo sa Juda. (Jos 15:11) Posibleng mao ang bungtod sa Mughar nga A lamang sa bul-oganang walog sa Sorek ug 3 km (mga 2 mi) sa SHS sa Jabneel (modernong Yavne).

3. Usa ka lungsod sa rehiyon sa Negeb sa Juda (Jos 15:29), dayag nga mao ang gitawag nga Bala sa Josue 19:3 ug Bilha sa 1 Cronicas 4:29. Human niadto, kini gipahat ngadto sa tribo ni Simeon ingong usa ka sakop nga siyudad. Ang tinong lokasyon niini wala mahibaloi, apan dayag nga nahimutang kini sa HS sa Beer-seba.