BAAL-GAD

[Tag-iya sa Gad (Pagkabulahan)].

Usa ka lungsod sa patag nga walog sa Lebanon sa tiilan sa Bukid sa Hermon, sa K nga kiliran niini. Kini gigamit sa paghubit sa kinaamihanang dapit sa pagsakop ni Josue sa yuta sa Canaan, kon itandi sa kinahabagatang dapit sa Bukid sa Halak didto sa Negeb. (Jos 11:17; 12:7; 13:5) Ang tukmang nahimutangan niini dili matino, apan kini kasagarang gituohan nga mao ang Hasbaiya sa Wadi et-Teim o ang usa ka kasikbit nga dapit.