BAALIS

Ang hari sa Ammon, kinsa gitahong nagsugo kang Ismael sa pagbuno kang Gobernador Gedalias sa Juda niadtong 607 W.K.P. Ang Gregong Septuagint nag-espeling niining ngalana ingong “Belisa.”​—Jer 40:14.

Usa ka marka sa timbre nga may ngalang Baʽalyishʽa ang nadiskobrehan niadtong 1984 sa mga pagpangubkob sa Tell el-ʽUmeiri sa Jordan. Kining marka sa timbre gituohan sa mga nagtuon sa kanhing mga sinulat nga maoy sukad pa sa ulahing bahin sa ikapitong siglo W.K.P. Ang inskripsiyon diha niana, nga gisulat sa karaang mga karakter nga Ammonhanon, mabasa: “Iya ni Milkomʼor [o, Milkomʼur], alagad ni Baʽalyishʽa.” Si Baʽalyishʽa lagmit mao ang Baalis sa Bibliya.