BASEMAT

[Pinahumotan; Lana sa Balsamo; Sinakotan ug Yerbang-paalimyon].

1. Asawa ni Esau. Siya maoy anak nga babaye ni Elon nga Hitihanon, busa lagmit nga siya mao ra usab si Ada o kaha iyang igsoong babaye. Si Basemat maoy “tinubdan sa kapaitan” ni Isaac ug Rebeca.​—Gen 26:​34, 35; 27:46; 28:8; 36:2.

2. Laing asawa ni Esau, lagmit mao ra usab si Mahalat. Siya maoy anak nga babaye sa anak nga lalaki ni Abraham nga si Ismael, igsoong babaye ni Nebaiot, ug busa ig-agaw igtagsa ni Esau. Gipangasawa siya ni Esau human makita nga wala gayod kahimut-i sa iyang amahan ang iyang mga asawa nga Canaanhon. Si Basemat nanganak sa anak nga lalaki ni Esau nga si Reuel.​—Gen 28:​8, 9; 36:​3, 4, 10.

3. Usa ka anak nga babaye ni Solomon ug asawa ni Ahimaaz nga usa sa mga luyoluyo nga tigtagana ug pagkaon ni Solomon.​—1Ha 4:​7, 15.