BERIA

[Uban ang Katalagman].

1. Ang ikaupat sa gitalang anak nga lalaki ni Aser kinsa, lagmit uban sa iyang duha ka anak nga lalaki nga si Heber ug Malkiel, miadto sa Ehipto uban sa panimalay ni Jacob. (Gen 46:​8, 17) Siya ug ang iyang duha ka anak nga lalaki gitala ingong mga pangulo sa banay sa mga katigulangan, ug ang iyang mga kaliwat mao ang mga Beriahanon.​—Num 26:​44, 45; 1Cr 7:​30, 31.

2. Usa ka anak nga lalaki ni Epraim nga natawo human patya sa mga tawo sa Gat ang iyang mga magulang nga lalaki. Si Epraim ‘nagtawag sa iyang ngalan nga Beria, tungod kay uban ang katalagman [Heb., vera·ʽahʹ] nga siya [inahan ni Beria] didto sa iyang balay.’​—1Cr 7:20-23.

3. Usa sa lima ka anak nga lalaki ni Elpaal ug usa sa mga pangulo sa banay sa mga Benjaminhon nga nag-abog sa mga molupyo sa Gat.​—1Cr 8:​12, 13.

4. Ang kataposang ginganlan nga anak nga lalaki ni Simei, usa ka Levihanong kaliwat ni Gerson. Si Beria ug ang iyang igsoong lalaki nga si Jeus ‘walay daghang anak nga lalaki; busa sila nahimong usa ka balay o banay sa amahan nga usa ka hut-ong nga nangatungdanan.’​—1Cr 23:6-11.