BET-BARA

[Balay ni Bara].

Sa dihang ang kasundalohan ni Gideon migukod sa nangalagiw nga mga Midianhon, si Gideon nagpadalag mensahe ngadto sa mga tawo sa Epraim sa pag-ilog “sa mga tubig hangtod sa Bet-bara ug sa Jordan” (Huk 7:24), lagmit aron ang mga kaaway dili makatabok sa Jordan. Sanglit ang panaggubat nahitabo didto sa Ubos nga Patag sa Jezreel (Huk 6:33), kini nagpakita nga ang maong dapit nahimutang sa K sa Jordan. Wala mahibaloi kon diin gayod ang tinong nahimutangan niini, apan gituohang kini nahimutang tali sa Wadi Farʽah ug sa Jordan. Ang susamang taktika gigamit ni Ehud sa pagpakiggubat sa mga Moabihanon sa dihang ilang “nailog ang mga tabokanan nga bahin sa Jordan batok sa mga Moabihanon.”​—Huk 3:​27, 28.