BOKIM

[Mga Nanghilak].

Usa ka dapit diin ang manulonda ni Jehova namulong sa mga Israelinhon, nga nagbadlong kanila tungod kay sila wala magtagad sa pasidaan ni Jehova batok sa pagpakiglangkit sa mga paganong molupyo sa yuta. Ang maong dapit ginganlan pinasukad sa pagpanghilak sa katawhan human niadto. (Huk 2:1-5) Ang nahimutangan niini wala mahibaloi, apan ang ekspresyon nga “mitungas gikan sa Gilgal ngadto sa Bokim” nagpaila nga kini nga lokasyon anaa sa K sa Gilgal, diin ang Gilgal dayag nga nahimutang sa ubos nga walog sa Jordan.