KELUB

[Bukag; Halwa].

1. Kaliwat ni Juda; igsoong lalaki ni Suha ug amahan ni Mehir. (1Cr 4:​1, 11) Ang paghubad sa ngalan ingong “Kelub” gipasukad sa Masoretikong teksto ug makita nga ingon niining pormaha diha sa pipila ka hubad. (KJ, NW, Ro, AT) Apan, siya gitawag ug “Caleb” diha sa Gregong Septuagint, Syriac nga Peshitta, ug sa Latin nga Vulgate (makuti nga rebisyon ni Clementino), ug busa, kini nga porma makaplagan diha sa mga hubad ni Knox ug Lamsa.

2. Amahan ni Ezri, ang usa nga nag-alagad ubos ni Haring David ingong magtatan-aw sa mga nagtikad sa kaumahan.​—1Cr 27:26.