KEPIRA

[Balangay].

Usa ka Hivihanong siyudad (Jos 9:​7, 17), ug usa sa upat ka siyudad nga gihawasan sa Gabaonhon nga mga embahador nga nagpakaaron-ingnon nga naggikan sa usa ka halayong yuta ug kinsa pinaagi niini nga panglimbong nakahimo ug pakigsaad uban sa mga Israelinhon ilalom ni Josue. (Jos 9:3-27) Ang Kepira dali rang mailhan karong adlawa tungod sa dakong nahibiling luna nga wala puy-i diha sa Khirbet Kefireh, 7 km (4.5 mi) sa KHK sa el-Jib (Gabaon) diha sa kinatumyang dapit nga kanhi kutay sa guwardiyado nga mga terasa. Kining estratehikong posisyon sa Kepira nagsilbing proteksiyon aron dili makaduol sa Gabaon ang kaawayng mga kasundalohan gikan sa kasadpan. Sa panahon sa pagbahinbahin sa yuta ang Kepira nahilakip sa panulondon ni Benjamin (Jos 18:26), ug human sa pagkadestiyero kini nahimong usa sa mga siyudad nga gipuy-an pag-usab.​—Esd 2:​1, 25; Neh 7:29.