DAN-JAAN

Usa ka dapit nga kausa lang gihisgotan, diha sa ruta nga gisubay ni Joab sa dihang gihimo ang pagsenso nga gisugo ni David. (2Sa 24:1-6) Ang kahubitan niini daw nagpakita nga kini nahimutang sa kinatumyang A sa Israel, sanglit giingon nga sila mipaingon “sa Dan-jaan ug milibot sa Sidon.” Ang paghisgot sa Beer-seba sa misunod nga bersikulo (2Sa 24:7) nagpahinumdom sa komon nga ekspresyong “gikan sa Beer-seba hangtod sa Dan,” nga gigamit ni David sa pagsugo kang Joab maylabot sa pagsenso. (1Cr 21:2) Busa ang Dan-jaan lagmit nagtumong sa siyudad sa Dan o tingali sa usa ka dapit nga kasikbit nianang maong amihanang siyudad.​—Itandi ang Huk 18:​28, 29, diin ang Dan ug Sidon gihisgotan usab nga magkauban; tan-awa usab ang DAN Num. 3.