DELAIAS

[Si Jehova Nangandam [sa pagluwas]].

1. Usa ka Aaronikong saserdote sa panahon ni David nga gitudlo pinaagig ripa ingong pangulo sa ika-23 nga dibisyon sa mga saserdote.​—1Cr 24:​1, 5, 18.

2. Anak nga lalaki ni Semaias; usa sa mga prinsipe sa palasyo ni Haring Jehoiakim nga nakadungog sa pagbasa ni Baruk sa basahon nga gisulat ni Jeremias ug mopatim-aw nga human niadto nagtaho niini ngadto sa hari. Unya, sa dihang ang linukot nga basahon gibasa sa atubangan ni Jehoiakim, si Delaias ug ang duha pa ka laing prinsipe nangamuyo sa hari nga dili kini sunogon apan sila wala pamatii.​—Jer 36:11-26.

3. Ang katigulangan sa pipila ka tawo nga nangadto sa Jerusalem uban kang Zorobabel niadtong 537 W.K.P. apan wala makapamatuod nga sila mga Israelinhon.​—Esd 2:​1, 59, 60; Neh 7:​61, 62.

4. Anak nga lalaki ni Mehetabel ug ang amahan ni Semaias nga gisuholan ni Sanbalat ug Tobias sa paghulga kang Nehemias nga gobernador.​—Neh 6:10-13.

5. Usa sa pito ka anak nga lalaki ni Elioenai; kaliwat ni David pinaagi kang Solomon.​—1Cr 3:​10, 24.