EL-BETHEL

[Ang Diyos sa Bethel].

Ang gingalan ni Jacob sa dapit diin siya nagpatindog ug halaran ingong pagtuman sa sugo sa Diyos. (Gen 35:​1, 7) Giisip sa pipila ka eskolar nga “Ang Diyos sa Bethel” dili haom nga ngalan alang sa usa ka dapit, ug miingon nga sa Gregong Septuagint, Latin nga Vulgate, Syriac nga Peshitta, ug sa Arabiko nga mga bersiyon ang sinugdanan nga “El” gitangtang. Apan, angayng hinumdoman nga ang dapit nga naglibot sa Bethel dakog kahulogan alang kang Jacob. Dinhi niining dapita kapin sa 20 tuig una pa niana nga ang Diyos nagpadayag sa iyang kaugalingon ngadto kang Jacob diha sa usa ka damgo, nga nagsaad sa pagpanalipod kaniya. Nianang higayona ang patriarka natukmod sa pag-ingon, “Sa pagkatinuod si Jehova ania niining dapita.” (Gen 28:10-22) Tungod niini, sa dihang sa ulahi iyang ginganlan ang nahimutangan sa halaran, si Jacob nakaingon, ‘Ang Diyos ania sa Bethel.’​—Itandi ang Gen 33:20.