ELNATAN

[Ang Diyos Naghatag].

1. Ang amahan sa inahan ni Haring Jehoiakin nga si Nehusta. (2Ha 24:8) Lagmit siya mao ang Elnatan nga gipaila ingong “anak nga lalaki ni Akbor” kinsa gipadala ni Haring Jehoiakim ngadto sa Ehipto aron dad-on ug balik ang manalagnang si Uriyas. (Jer 26:​22, 23) Makaiikag, usa sa Mga Sulat sa Lakis nga pinetsahan gikan niini nga yugto naghisgot sa ngalang Elnatan, nga nag-ingon: “Ang komandante sa kasundalohan, si Conias nga anak nga lalaki ni Elnatan, milugsong aron moadto sa Ehipto.”​—Ancient Near Eastern Texts, giedit ni J. Pritchard, 1974, p. 322.

2, 3, 4. Tulo ka tawo nga may ngalang Elnatan ang gihisgotan sa basahon ni Esdras. Ang duha gitawag ingong “mga pangulo” ug ang usa ingong magtutudlo. Didto sa suba sa Ahava, sa wala pa mopanaw ngadto sa Jerusalem, gisugo sila ni Esdras sa paghangyo kang Ido ug sa mga Netinim sa Casipia nga magtagana gikan sa ilang taliwala ug mga alagad alang sa balay sa Diyos, nga niini misanong ang mga Levihanon ug mga Netinim.​—Esd 8:15-20.