ESEK

1. [lagmit, Milihok nga Mapintason].

Usa ka kaliwat ni Haring Saul. Ang rekord sa Kasulatan naghisgot nga kini nga Benjaminhon may tulo ka anak nga lalaki ug nga ang mga anak sa iyang panganay nga si Ulam maoy “maisog, gamhanang mga tawo, naggamit sa pana, ug may daghang anak nga lalaki ug mga apo nga lalaki, usa ka gatos ug kalim-an.”​—1Cr 8:​1, 33, 39, 40.

2. [Panaglalis].

Usa ka atabay sa presko nga tubig nga gikalot sa mga alagad ni Isaac didto sa bul-oganang walog sa Gerar. (Gen 26:20) Apan, ang Filistehanong mga magbalantay sa kahayopan nianang dapita nag-angkon sa atabay nga ilaha, ug ang miresultang ‘panag-away’ tali sa duha ka pundok maoy gibasehan sa ngalan niining dapita. (Gen 26:12-20) Ang tukmang nahimutangan niini wala mahibaloi karong adlawa.