EZER

1. [lagmit, Pagtigom].

Usa sa mga sultan nga Horihanon sa yuta sa Seir. (Gen 36:​20, 21, 30) Sa ulahi ang mga Horihanon gipapahawa ug gilaglag sa mga anak ni Esau. (Deu 2:22) Ang ngalang Ezer niini nga mga teksto lagmit nagkahulogang “Pagtigom,” tungod sa kalainan sa espeling sa orihinal nga Hebreohanon. Sa 1 Cronicas 1:38 sayop ang espeling niini ingong “Ezar” diha sa daghang modernong mga edisyon sa King James Version, bisan tuod husto kini sa 1611 nga edisyon ingon man sa ubang mas sayo nga mga edisyon.

[2-6: Tabang]

2. Lagmit usa ka anak nga lalaki ni Epraim kinsa kauban sa iyang igsoong lalaki nga si Elead gipatay sa mga tawo sa Gat “tungod kay sila milugsong aron kuhaon ang ilang kahayopan.”​—1Cr 7:​20, 21.

3. Usa ka anak nga lalaki ni Hur sa tribo ni Juda, ug ang “amahan” ni Husa. Ang Husa mahimong magtumong sa usa ka tawo o usa ka lungsod sa Juda.​—1Cr 4:​1, 4; tan-awa ang HUSA.

4. Ang pangulo sa 11 ka maisog nga mga Gadhanon nga midapig kang David didto sa kamingawan samtang siya ilalom pa sa mga pagpig-ot tungod kang Saul. Ingong pangulo, dayag nga si Ezer mao ang labing dako ug busa maoy “katumbas sa usa ka libo.”​—1Cr 12:​1, 8, 9, 14.

5. Ang anak nga lalaki ni Jesua, usa ka prinsipe sa Mizpa, nga nakig-ambit sa pag-ayo sa usa ka bahin sa paril sa Jerusalem ubos sa pagdumala ni Nehemias niadtong 455 W.K.P.​—Neh 3:19.

6. Usa sa mga saserdote nga miapil sa parada nga gihikay ni Nehemias sa panahon sa inagurasyon sa gitukod pag-usab nga paril sa Jerusalem niadtong 455 W.K.P.​—Neh 12:​31, 41, 42.