GEDER

[Paril nga Bato].

Usa ka lungsod sa Canaan; ang hari niini maoy usa sa 31 ka hari nga gipildi ni Josue. (Jos 12:13) Ang Josue 12:​7, 8 nagpakita nga kini nahimutang sa K nga kiliran sa Jordan, ug kay gihisgotan kini sunod sa Debir, lagmit nga kini nahimutang diha sa rehiyon sa Sepela. Hayan nga kini mao ra usab ang Bet-gader sa 1 Cronicas 2:51. Apan ang tukmang nahimutangan niini dili matino. Sa panahon ni David, ang usa ka tawo nga gitawag ug Baal-hanan nga Gederhanon maoy nagdumala sa mga kaolibohan ug mga kahoyng sikomoro ni David didto sa Sepela, ug gituohan nga siya lagmit naggikan sa Geder o Gedera.​—1Cr 27:28.