GEDEROT

[Mga Toril nga Bato].

Usa ka siyudad diha sa Sepela nga gipahat ngadto sa Juda (Jos 15:​20, 33, 41) ug usa sa mga dapit nga nailog sa mga Filistehanon sa panahon sa paghari ni Haring Ahaz (761-746 W.K.P.). (2Cr 28:​18, 19) Gituohan sa pipila ka geograpo nga ang Gederot nahimutang sa Qatra, usa ka biniyaang balangay ibabaw sa usa ka bungdo diha sa modernong Gedera, mga 13 km (8 mi) sa SAS sa Asdod, apan ang uban nag-ingon nga kini halayo na kaayo dapit sa K aron ikaingon nga kini nahimutang sa Sepela.