GE-HARASIM

[Walog sa mga Artesano].

Usa ka walog nga gitawag niini nga ngalan tungod sa komunidad sa mga artesano nga nagpuyo didto. (1Cr 4:14) Ang maong komunidad ‘gitukod’ o gipundar ni Joab, apan lagmit dili ang Joab sa panahon ni David. Gipuy-an kini sa mga Benjaminhon human sa ilang pagkadestiyero sa Babilonya. (Neh 11:​31, 35) Gipangagpas sa pipila ka geograpo nga kini mao ang Wadi esh-Shellal, usa ka halapad nga walog nga nahimutang pipila ka milya sa HS sa Tel Aviv-Yafo; ang uban mas nagtuo nga kini mao ang Sarafand el-Kharab sa HK sa Wadi esh-Shellal.