GERAR, BUL-OGANANG WALOG SA

Sa dili pa dugayng katuigan gisugyot nga ang bul-oganang walog sa Gerar mao ang Wadi esh-Shariʽah (Nahal Gerar), nga miagos sa mga 0.5 km (0.3 mi) sa H sa Tell Abu Hureirah (Tel Haror), ang posibleng nahimutangan sa karaang Gerar. Ang katibuk-ang dapit nga naglibot sa bul-oganang walog sa Gerar angayan kaayo sa pagpamuhig kahayopan. Dayag nga ang tubig daling mabatonan didto pinaagi sa pagkalot ug mga atabay diha sa salog sa bul-oganang walog. (Gen 26:17-19) Ang patriarkang si Abraham temporaryong nanimuyo ingong usa ka langyaw niining maong rehiyon. (Gen 20:​1, 2) Sa ulahi, tungod sa usa ka panahon sa gutom, si Isaac mibalik sa maong dapit. Dinhi siya nanguma ug namuhig mga karnero ug mga baka. (Gen 26:​1, 6, 12-14) Niini mismo nga bul-oganang walog nga ang mga alagad ni Isaac nagkalot ug duha ka atabay nga misangpot sa panag-away tali kanila ug sa hakog nga mga magbalantay sa kahayopan sa Gerar.​—Gen 26:17-22.