HABOR

Usa ka siyudad o distrito nga dinhi gidestiyero ni Tiglat-pileser III nga hari sa Asirya ang daghang Israelinhon sa napulo-ka-tribong gingharian. (1Cr 5:26) Gituohan sa pipila ka eskolar nga ang Habor mao ang Abhar, usa ka lungsod nga nahimutang duol sa Suba sa Qezel Owzan sa AK sa Iran nga mga 210 km (130 mi) sa K sa Tehran. Sa 2 Hari 17:6 ug 18:11 ang pipila mas mipabor sa hubad nga “Habor, ang suba sa Gozan” (AS, RS), ug ilang gilangkit ang Habor sa usa ka suba nga nagaagos ngadto sa Euprates, ang Suba sa Khabur sa HS sa Turkey ug sa AS sa Sirya. Apan, nahiuyon sa 1 Cronicas 5:​26, kini nga prase mahimong hubaron nga “Habor didto sa [o, duol sa] suba sa Gozan.”​—NW, Yg; tan-awa ang GOZAN.