HADID

Usa ka siyudad sa mga katigulangan sa pipila ka Benjaminhon nga namalik gikan sa pagkadestiyero sa Babilonya (Esd 2:​1, 2, 33; Neh 7:​6, 7, 37; 11:​31, 34), nga sagad gituohan nga mao ang el-Haditheh (Tel Hadid), usa ka gibiyaang balangay sa mga Arabo nga mga 5 km (3 mi) sa SAS sa Lod (Lida). Sagad gituohan nga ang Hadid lagmit mao ra ang “Huditi” nga gihisgotan sa Talaan sa Karnak ni Thutmose III, ug ang “Adida” diha sa Apokripal nga basahon sa Unang Macabeo (12:38; 13:​13, RS, ekumenikal nga edisyon), nga diha niana gihubit ingong nahimutang sa Sepela ug nag-umbaw sa patag daplin sa baybayon.