HAGRIHANON

[lagmit, Kang (Iya ni) Agar].

Mopatim-aw nga usa kini ka katawhan nga magbalantay sa kahayopan nga nanimuyo sa mga tolda sa S sa Gilead. Sa mga adlaw ni Haring Saul, ang mga Israelinhon nga nagpuyo sa S sa Jordan nagpildi sa mga Hagrihanon, nga nagdala ug 100,000 ka binihag, maingon man sa linibo ka kamelyo, asno, ug karnero. (1Cr 5:​10, 18-22) Ang salmista nagtala sa mga Hagrihanon ingong lakip sa ubang mga kaaway sa Israel, sama sa mga Edomhanon, Moabihanon, Ammonhanon, ug mga Amalekanhon. (Sal 83:2-7) Apan, sa panahon sa pagmando ni David, si Jaziz nga Hagrihanon mao ang tinugyanan sa mga panon sa karnero sa hari.​—1Cr 27:31.

Daghang eskolar ang nagtuo nga ang mga Hagrihanon tingali mao ra ang mga A·graiʹoi nga gihisgotan sa karaang mga geograpo nga si Strabo, Ptolemy, ug Pliny. Dili usab matino kon sila ba maoy mga kaliwat ni Agar.