HANAN

[Pagpakitag Pabor; Mapuangoron].

1. Usa sa “mga anak nga lalaki ni Sasak”; usa ka Benjaminhon.​—1Cr 8:​1, 23-25.

2. Anak nga lalaki ni Maaca; usa sa mga tawong gamhanan sa kasundalohan ni David.​—1Cr 11:​26, 43.

3. Usa sa unom ka anak nga lalaki ni Azel; usa ka kaliwat ni Haring Saul.​—1Cr 8:33-38; 9:44.

4. Anak nga lalaki ni Igdalias, “usa ka tawo sa matuod nga Diyos.” Didto sa lawak-kan-anan sa mga anak nga lalaki ni Hanan nga gisulayan ni manalagnang Jeremias ang pagkamasinugtanon sa mga Rekabita labot sa sugo sa ilang katigulangan nga si Jehonadab sa dili pag-inom ug bino.​—Jer 35:3-6.

5. Pangulo sa usa ka banay sa mga Netinim nga mga ulipon sa templo, nga ang mga membro niini namalik gikan sa Babilonya uban kang Zorobabel niadtong 537 W.K.P.​—Esd 2:​1, 2, 43, 46; Neh 7:​46, 49.

6. Usa sa mga Levihanon nga mitabang kang Esdras sa pagpatin-aw sa Balaod ngadto sa kongregasyon sa Israel nga nagkatigom sa plasa atubangan sa Ganghaan sa Tubig sa Jerusalem. (Neh 8:​1, 7) Siya lagmit mao ra ang Num. 7 o ang Num. 10.

7. Usa ka Levihanon kansang kaliwat, kon dili man siya mismo, nagpamatuod pinaagig timbre sa “kasaligang kontrata” nga gihimo panahon sa pagkagobernador ni Nehemias. (Neh 9:38; 10:​1, 9, 10) Kon si Hanan mao mismo ang nagtimbre niini nga kasabotan, siya lagmit mao ra ang Num. 6 o ang Num. 10.

8, 9. Duha ka “pangulo sa katawhan” kansang mga kaliwat, kon dili man sila mismo, nagpamatuod sa kontrata sa pagsugid panahon sa pagkagobernador ni Nehemias.​—Neh 9:38; 10:​1, 14, 22, 26.

10. Anak nga lalaki ni Zacur; usa ka matinumanong Levihanon nga gitudlo ni Nehemias sa pag-apod-apod sa nahiangay nga mga bahin sa mga Levihanon ilalom sa pagdumala ni Selemias, Zadok, ug Pedaia. (Neh 13:13) Siya lagmit mao ra ang Num. 6 o ang Num. 7.