DAPAL

Usa ka sukod sa gitas-on o sa gisangkaron nga susama sa gilapdon sa kamot diha sa punoan sa mga tudlo. Ang dapal gibanabana nga 7.4 sm (2.9 pul.); ang upat ka tudlo maoy katumbas sa usa ka dapal, ug ang unom ka dapal maoy katumbas sa usa ka maniko. (Ex 25:25; 37:12; 1Ha 7:26; 2Cr 4:5; Eze 40:​5, 43; 43:13) Sumala sa Salmo 39:​5, si David miingon: “Gihimo mo nga diyutay ang akong mga adlaw”; apan, diha sa Hebreohanon nga Masoretikong teksto “mga dapal lamang” ang makita. (Ftn sa Rbi8) Si Kristo Jesus migamit sa pulong nga “maniko” sa susamang paagi: “Kinsa ba kaninyoy makadugang ug usa ka maniko sa gitas-on sa iyang kinabuhi pinaagi sa pagkabalaka?”​—Mat 6:27.