HAROSET

Usa ka dapit nga ang bug-os nga ngalan maoy “Haroset sa kanasoran,” nga nagsilbing hedkuwarter sa kasundalohan ni Sisera nga pangulo sa kasundalohan sa Canaanhong hari nga si Jabin, kinsa nagmando sa Hazor. (Huk 4:​2, 13) Si Maghuhukom Barak nagmadaogon batok niini nga mga kaaway hangtod niining dapita. (Huk 4:16) Ang ngalang Haroset (nagkahulogang “Kakahoyan; Daghag Kahoy nga Kalibonan”) daw napreserbar diha sa ngalang el-Harithiyeh, usa ka dapit duol sa kasadpang agianan gikan sa Patag sa Jezreel ug mga 16 km (10 mi) sa AAK sa Megido. Apan, ang mga eskolar kasagarang nagtuo nga ang aktuwal nga nahimutangan niini kaniadto duol ra sa Tell ʽAmr (Tel Meʽammer).