HASUM

Pangulo nga katigulangan sa usa ka banay sa mga Israelinhon, nga ang mga membro namalik gikan sa Babilonya kauban ni Zorobabel niadtong 537 W.K.P. (Esd 2:​1, 2, 19; Neh 7:22) Sa pag-abot ni Esdras sa Jerusalem niadtong 468 W.K.P., ang pito ka lalaki sa “mga anak ni Hasum” nagpapahawa sa ilang langyawng mga asawa. (Esd 10:​33, 44) Ang hawas sa banay o ang usa nga may ngalang Hasum mibarog sa wala nga kiliran ni Esdras samtang iyang gibasa ang basahon sa Balaod ngadto sa mga Israelinhon nga nagkatigom sa plasa atubangan sa Ganghaan sa Tubig sa Jerusalem. (Neh 8:1-4) Usa ka hawas usab sa banay ni Hasum ang nagpamatuod pinaagig timbre sa “kasaligang kontrata” nga gihimo sa panahon sa pagkagobernador ni Nehemias.​—Neh 9:38; 10:​1, 14, 18.