HEMAN

1. Usa sa upat ka maalamong tawo kansang kaalam, bisan tuod dako, nalabwan ni Haring Solomon. Si Heman, Calcol, ug Darda gitawag nga “mga anak nga lalaki ni Mahol,” usa ka ekspresyon nga gituohan sa pipila nga nagtumong sa usa ka grupo sa mga mananayaw o mga maghohoni. (1Ha 4:31) Sa 1 Cronicas 2:3-6 si Heman gipaila ingong kaliwat ni Juda pinaagi kang Zera. Sa superskripsiyon sa Salmo 88 siya gitawag nga “Ezrahanon,” nga lagmit laing pulong alang sa “Zerahanon.”​—Tan-awa ang EZRAHANON.

2. Anak nga lalaki ni Joel ug apo sa manalagna nga si Samuel sa banay sa mga Kohatnon; usa ka Levihanong mag-aawit ug manunugtog sa piyangpiyang panahon sa paghari ni David ug Solomon. (1Cr 6:33; 15:17-19; 2Cr 5:​11, 12) Amahan siya sa 14 ka anak nga lalaki ug 3 ka anak nga babaye ug iyang gipangunahan ang iyang banay sa pag-awit diha sa balay ni Jehova. Apan, siya mismo, kauban ni Asap ug Jedutun, ilalom sa direktang pagbuot sa hari.​—1Cr 25:​1, 4-6.