HOBA

Usa ka dapit sa “amihanan sa Damasco” nga didto gigukod ni Abraham ang napilding kasundalohan ilalom ni Kedorlaomer. (Gen 14:13-17) Kini nga dapit nga gihisgotan sa Bibliya gilangkit sa pipila ka eskolar sa usa ka laing dapit nga ginganlan usab ug Hoba, usa ka tubod diha sa dalan tali sa Palmyra ug Damasco, diin mopatim-awng napreserbar ang karaang ngalan niini. Ang Hoba, sama sa ubang dagkong mga tubod nga duol sa desyerto, lagmit kaniadto may usa ka balangay sa duol niini.