HOMER

Usa ka sukod sa butang nga mala nga katumbas sa cor ug parehog sukod sa napulo ka bath o napulo ka ephah. (Eze 45:​11, 14) Pinasukad sa gibanabanang gidaghanon sa usa ka sukod nga bath, ang ephah gibanabana nga 22 L. Busa ang homer katumbas sa 220 L. (Os 3:2) Didto sa kamingawan, ang hakog nga mga Israelinhon nagtigom ug ingon niana nga gidaghanon sa milagrosong gitagana nga buntog nga tungod niana ang “nakatigom ug kinadiyutayan nakatigom ug napulo ka homer” (2,200 L). (Num 11:32) Ang Kasulatan naghisgot usab sa homer ingong usa ka sukod alang sa sebada, binhi, ug trigo.​—Lev 27:16; Isa 5:10; Eze 45:13.